YESAYA 64:5 - WUKE SUSI WATTI'U AL᷊AL᷊USASSA

⁵ I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

YESAYA 64:5 Referans Kwoze

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

DARALO 112:1

Paddalote Mawu! Lal᷊umanna'a su taumata apan ma'imanna, apan sidutu maddaringikka manga parentan Mawu.

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

DARALO 25:10

Taumata apan matuṛṛutta paaire-Ne wuṛṛu tita-Ne, papadul᷊ianan-Ne ringannu darangngu wuṛṛu tatuṛṛutta.

SASABANGNGA 30:6

Addoa'a mezbah udde su liuddu mal᷊aṛṛenessa su saruannu Wantallu Pa'aire, su tampa i Ya'u sarun maisasombanu.

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 26:13

I yami buatte niparentannu manga mawu waine, arawe tumba'u I'o apan a'uanni yami, oh Mawu Ruatan kami!

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

YESAYA 1:30

I mangitou sarun maola'a ere aaluanna masallakka apan tinumolangnga rongngane, wuṛṛu ere wawail᷊anna apan tawe ua'ene.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

ZAKARIA 3:3

Yosua uarisikka isudde ual᷊uṛṛen laubba nallal᷊uhuranna atonna.