Biblia Todo Logo
Bib sou entènèt

- Piblisite -




YESAYA 64:11 - WUKE SUSI WATTI'U AL᷊AL᷊USASSA

11 Wal᷊en Duata apan susi wuṛṛu mawantuga tampan al᷊amonan kami maddalo Si'o, buatte niepoddu putungnga; anambon tampa apan ipa'apulung kami naola'e winalal᷊anna.

Gade chapit la Kopi




YESAYA 64:11
21 Referans Kwoze  

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.


Napawe nanawote wuṛṛu nasansarate, Yerusalem nanaungnga tempo nanangkal᷊iu, sutempo i tou ta'e manambo darotongnga; ereapa tumanangnge nanawo su liman seetta, wuṛṛu tawe saran sangkatou nirumanta massumbala. Manga ro'amme tumba'u lullage maasilo ananawone.


I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.


iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.


Mawu nanol᷊a'u mezbah-Ne apan susi, wuṛṛu nanantangngu Wal᷊en-Ne sassane; niwala-Ne seetta naṛṛa'an manga darandungne. Sutampan kite dorone mattaṛṛamawu wuṛṛu mappesetta, seetta u'ui ana waugu lulluassa.


I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.


Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”


Mawu nabbisara si ya'u, “Ne, taumata apan mattate, sarun Ta'u anuanna wuassi mangitou Wal᷊e-U apan matohassa udde, apan buatte naola'a ilalluassa wuṛṛu ilallala'i mangitou, wuṛṛu apan a'ellehanna wuṛṛu tattemboanni mangitou ringannu al᷊al᷊uassu naungnga. See i Ya'u sarun manganu al᷊aṛṛana'i mangitou.


Manga imam uarisikka su tampane apan tinantunna si mangitou; uasasaruannu taumatan Lewi apan tantal᷊anna maddalo Mawu ringannu mannalangnga musikka apan nilanginni Ratu Daud, lapiddu mangngantari aantari “Darangngu-Ne saran mal᷊annu-l᷊annu!” uasul᷊ungngu ere buatte nirolokki Daud. Manga imam nattiuppa trompeta tantal᷊anna tumanangnge sarangkanambone uarisikka.


Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.


I tou nabbisara, “Dorone Mawu buatte na'ire su iamangku Daud arendi, ‘Ro'en i Ya'u nangapiddu walahang-Ku sinumabbangnga wuassu Mesir naddatingngu allo indi, su wanuan Israel tawe sambau soa apan Ta'u nipile maola'a tampa apan ṛinone paparisiṛannu wal᷊en patataṛṛamawuanna si Ya'u, wuṛṛu tawe saran sangkatou apan Ta'u nipile iapapiaṛṛa'u walahang-Ku Israel. Arawe orassa indi Ya'u namile Yerusalem maola'a tampa patataṛamawuanna si Ya'u. Wuṛṛu i'o, Daud, Ta'u pileanna iapaparenta walahang-Ku.’ Daralo su Mawu Ruatan Israel apan buatte nanipussa paaire-Ne udde!”


“Dalo su Mawu apan buatte nangonggollu atatammudda su uman-Ne ere buatte niriandi-Ne wuassu allang-Nge i Musa. Sarangkanambone apan mapia apan niriandi-Ne mangke natipussa.


Napawe buatte niumal᷊iomanna, Ratu Salomo nanaile anambon tumanangnge apan tantal᷊anna uarisikka isudde, ana see naddorongnga al᷊amattu Ruata hunan mangitou.


Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.


Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?


Mawu nammanara sulal᷊ummu asasa'u, Sion nioossu Mawu ringannu ararandumma. Awawantugu Israel atanggakke ere langitta, buatte niemang-Nge su runia. Sutempo Mawu nasa'u, Wal᷊en-Ne su Sion tate lai nipanduman-Ne.


Wua'udde mala'ekatta udde nabbisara, “Mawu Apan Lembontaṛṛino, pitun pul᷊o su tonnane al᷊annune I'o nasa'u su Yerusalem wuṛṛu su manga soa su Yehuda. Maddatingngu tingngera I'o sidutu massa'u wuṛṛu tawe mangampungnga si mangitou?”


Swiv nou:

Piblisite


Piblisite