YESAYA 63:19 - WUKE SUSI WATTI'U AL᷊AL᷊USASSA

¹⁹ I'o ma'ola'a si yami ereola'u taambe namarenta si yami, ereola'u i yami taambe naola'a uman-Nu.

YESAYA 63:19 Referans Kwoze

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

WATTI'U MANGA RASUL 15:17

tadea'u taumata apan lambene udde maddea'a Mawu, su sampunna ringannu walahanna waine apan wal᷊ine Yahudi apan suete niwagoang-Ku maola'a pussaa-U.’ Ete aroddi wisara Mawu,

WATTI'U MANGA RASUL 14:16

Su tempo nal᷊iu Mawu namala manga walahanna tuttuṛṛutta apulune sassane.

AMOS 9:12

Taumatan Israel sarun mangagassa wanua Edom apan ta'e nallambe see anambon walahanna apan dorone tatahuanang-Ku. I Ya'u, Mawu, buatte nabbisara wuṛṛu i Ya'u sarun mapaamattu olangnge udde.”

YESAYA 65:1

Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 79:6

Sabbanga'e asasa'u-Nu su manga walahanna apan tawe maaillal᷊a Si'o wuṛṛu su manga araratuanna apan tawe mattaṛṛamawu Si'o.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?

YESAYA 64:1

Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

TAHIUL᷊E 28:10

Ne anambon balahanna su runia sarun maasilo manungku i yamiu balahanna apan nipilen Mawu, ne i mangitou sarun mangantagi yamiu.

MAL᷊AṚṚUUNGNGA 5:4

Su tempo I'o manantangken Seir, oh Mawu, wuṛṛu I'o nanantangngu wageangngu leta'u Edom, runia niumio'a, manga sasal᷊ossoga su langitta lai nawu'a, wuṛṛu manga winabbawa nanossokku ua'ene.

MAL᷊AṚṚUUNGNGA 5:5

Manga wowone niumio'a su saruannu tembonannu Sinai, su saruannu Mawu, Ruatan Israel.

2 SAMUEL 22:10

I Tou nama'a langitta, ana see sinumossokke i Tou, ringannu winabbawa marandumma su al᷊ungngu ledda-Ne.

DARALO 18:10

Langitta niwaa-Ne, ana see sinumossoke i Tou ringannu winabbawa marandumma su al᷊ungngu ledda-Ne.

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

DANIEL 9:19

Mawu, daringiṛṛewe i yami, ampungewe i yami, lu'arewe i yami wuṛṛu pammanarate ringannu mal᷊ihakka! Ariewe mal᷊annu-l᷊annu, tadea'u anambon taumata masingkatta manungku ete I'o Ruata, Ana waugu Yerusalem wuṛṛu uman-Nu udde pussaa-Nu apan apianne.”