YESAYA 63:16 - WUKE SUSI WATTI'U AL᷊AL᷊USASSA

¹⁶ Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 63:16 Referans Kwoze

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 43:14

Mawu mananal᷊amannu, Apan Na'ukkassa su Israel, nabbisara, “Ana waugu i yamiu, i Ya'u nandolokku tantara watukku Babel, wuṛṛu Ta'u nihohakka manga papal᷊e ngaran tuttupanna; manga hion taumatan Kasdim Ta'u niwal᷊u nabbal᷊i lal᷊uai.

AYUB 14:21

Manga anangnge naola'a taumata mawantuga, arawe i tou tawe naasingkatta. Wuṛṛu napawe i mangitou mabbal᷊i tawe aregane, piaddu apan tawe mamasingkatta si tou.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

MATIUS 6:9

Nariaddi aal᷊iomante ereindi, ‘Iamangngi yami su surga; Ete I'o Ruata tumba'u Sambau. Antimanna I'o subbanna wuṛṛu wantuhanna.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

MANNANASE 9:5

Suapan wotongnge, taumata wiakka masingkatta manungku papate uaṛṛaddo si tou, wuṛṛu taumata nate waggan apa-apa. Si tou tawe baweakke ara'e lal᷊antakke, wuṛṛu aranne tinimbul᷊ianante.

SASABANGNGA 4:22

Ana see wal᷊oa'e su ratu udde manungku i Ya'u, Mawu, nananata arendi; ‘Israel uddewe ana'U pahul᷊une,

YOHANES 8:41

I yamiu ma'ola'a ere apa apan niola'u iamangngu sassane.” Sasimbakki mangitou, “I yami wal᷊ine al᷊aṛṛana'a su liuddu awingnga. Iamangngi yami tumba'u sangkatou eteudde Ruata sassane.”

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.