YESAYA 63:13 - WUKE SUSI WATTI'U AL᷊AL᷊USASSA

¹³ Suapate Mawu apan nangehetta si mangitou u'amatta su ua'e apan mal᷊al᷊umma? Naal᷊ihidda awal᷊o u'amatta su wadda'u anne, i mangitou tawe saran paassa natara.”

YESAYA 63:13 Referans Kwoze

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

HABAKUK 3:15

Ringannu awal᷊o-Nu I'o maṛṛinda laudda wuṛṛu tahal᷊oangnga apan mawira lullupa.

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

DARALO 119:165

Taumata apan marangngu tita-Nu mal᷊angnganna wuṛṛu matammudda, taweddu maasal᷊are si mangitou.

AMSAL 3:23

I'o sarun umamatta su al᷊al᷊angnganna, wuṛṛu sarun tawe matara.

YEHEZKIEL 36:15

Tate gunane lai leta'a indi maddaringikka aal᷊uandagu manga walahanna ara'e mamasanna hahelon taumata. Leta'a indi tate lai maaradda'a walahanna apan uatana'a isudde. I Ya'u Mawu Apan Atanggaṛṛanne buatte nabbisara.’ ”

DARALO 105:37

Wua'udde walahannu Israel niapiddu Mawu sinumabbangnga, i mangitou uaapiddu wul᷊awanna wuṛṛu sal᷊a'a; sarangkanambone mapia wuṛṛu matohassa.