YESAYA 63:12 - WUKE SUSI WATTI'U AL᷊AL᷊USASSA

¹² Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 63:12 Referans Kwoze

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

DARALO 78:13

I Tou nama'a tahal᷊oangnga, ana see napal᷊ewessi mangitou; ua'e naipattaalla ere niṛṛappinganna.

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

YESAYA 55:13

Alu cemara sarun mangganti aputta ṛoaanna sasuanna bunga mangganti manga pal᷊ampungnga. Udde mariaddi tadea'u i Ya'u tumelengnga; maola'a tatiala sarangkal᷊o'enge apan tawe mawul᷊i.”

DARALO 80:1

Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SASABANGNGA 15:6

Atatohan-Nu mangke ma'atiangnga, oh Mawu, I'o na'ola,a seetta nasue-sue.

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEREMIA 32:20

Sutempo dorone I'o ma'ola'a al᷊aṛṛindu'a wuṛṛu manga inolaanna apan bahewalla su Mesir, wuṛṛu na'oman sara orassa indi lai I'o ta'e uata'a ma'ola'a udde, mawae suwallattu taumatan Israel aroddi lai suwallattu al᷊awo'u walahanna waine. Ana waugu udde I'o tinumelengke su anambon tampa.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.