YESAYA 63:1 - WUKE SUSI WATTI'U AL᷊AL᷊USASSA

¹ “Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”

YESAYA 63:1 Referans Kwoze

SONDAPPA 19:13

Jubah apan ual᷊uṛṛe si Tou suete niammo sulal᷊ummu ṛaṛṛa. Wuṛṛu i Tou nisaggo “Ṛengetannu Ruata”.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

MATIUS 21:10

See, su tempo Mawu Yesus sinumutta su Yerusalem, anambon lal᷊oṛṛon soa udde naggio. “Isai indi?” aiwal᷊o manga taumata su soa udde.

ANTARI MAWANTUGA 8:5

Isaite udde apan nirumanta wuassu wadda'u anne, uasandakka su tunanangane? Ta'u nipu'o i'o su al᷊ungngu punnu apel, sutampa i'o su illoṛṛo wuṛṛu niasungkanga.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

ANTARI MAWANTUGA 6:10

Isaite i tou nirumanta naal᷊ihidda matannallo sussabbanga, ere aṛṛansangngu wul᷊anna rumaria, ere atilangngu matannallo? I tou tumaniten maanemma, naal᷊ihidda wuntuannu tantara ringannu manga waneṛṛane.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

DARALO 108:13

Ontol᷊ewe i yami su saruannu seetta, ana waugu sasumbalan taumata tawe gunane.

YESAYA 9:7

Mawu buatte nangema'u ṛuumanna su araratuannu Israel.

YESAYA 11:14

I mangitou suadio'a sarun mamangalo taumatan Filistin su waṛṛatta wuṛṛu mangaṛṛo pabbawalage su ra'i. I mangitou sarun mamaddon walahannu Edom wuṛṛu Moab, wuṛṛu walahannu Amon sarun massuṛṛubbawa si mangitou.

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

YEHEZKIEL 25:12

Mawu Apan Atanggaṛṛanne nabbisara, “Walahannu Edom buatte na'ola'a pasasal᷊a wahewalla ana waugu tumanite maṛṛagissa su Yehuda, ere inolaanna ipabbal᷊issa.

YEHEZKIEL 35:1

Mawu nabbisara si ya'u,

YEHEZKIEL 38:17

Wal᷊inewe su olangngu i Ya'u dorone nabbisara sulal᷊ummu manga allang-Ku manga nabin Israel? I mangitou buatte nani'atta manungku sutempo apan addantane i Ya'u sarun mandolokku sangkatou iapapangalo Israel. I Ya'u Mawu Apan Atanggaṛṛanne buatte nabbisara.”

OBAJA 1:1

Eteindi laṛṛangngon Obaja; i tou namasingkattu tanatan Mawu Apan Atanggaṛṛanne su ola'u walahannu Edom: Mawu buatte nangirimmu daroloṛṛan-Ne ringannu manga walahanna, wuṛṛu i ite buatte naringikka tanata apan buatte niapidde ere indi, “Pandiahite inai mapapangalo! Wette i ite inaite mamangalo Edom.”

OBAJA 1:9

Manga atumannaṛṛanne wuassu Teman sarun mangiladdu atata'utta, wuṛṛu anambon tantara Edom sarun mate.”

MALEAKHI 1:2

Mawu nabbisara su uman-Ne, “I Ya'u marangngu si yamiu.” Arawe i mangitou sinumimbakka, “Ereapa Mawu mandangngu si yami?” Mawu sinumimbakka, “Wal᷊inewe Esau iaangngi Yakub? Arawe i Yakub Ta'u arangnguanna,

PANDARIADDI 49:11

Ana'u keledaine ni'iitti tou su punnu alu, punnu anggore apan apianne. I tou mabbansalla laungnge ringannu anggore, anggore maṛṛamu naal᷊ihidda daṛṛa.

DARALO 65:6

I'o sinumimbakka si yami ringannu nangonggolu auntunganna si yami, I'o na'ola'a inolaanna apan maatiangnga ipanal᷊amatta si yami! Ete I'o antimannu anambon walahanna maddatingngu tahal᷊oangnga apan marau.

YESAYA 34:1

Wette pa'ammulle, ei manga walahanna, wuṛṛu paddaringikke. Wala'e ahewallu runia wuṛṛu sarangkanambone apan biakka sulal᷊umme rumanta wuṛṛu maddaringikka.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 42:3

Iawanna apan ual᷊eṛṛe sarun tawe paddianne, sasol᷊oanna apan u'angkeramma sarun tawe paddumanne. Ringannu satia i tou sarun mapal᷊iatta'u atatul᷊idda,

YEREMIA 48:24

Keriot, wuṛṛu Bozra. Anambon soa Moab, marau wuṛṛu marani, buatte niṛṛuumanna.