YESAYA 62:8 - WUKE SUSI WATTI'U AL᷊AL᷊USASSA

⁸ Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YESAYA 62:8 Referans Kwoze

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

TAHIUL᷊E 28:31

Sapinu sarun pototanna su saruannu matanu, arawe i yamiu tawe maa'inassa. Manga keledainu sarun inai iapidda tantal᷊anna aellehanni yamiu wuṛṛu sarun tawe iul᷊e. Manga dombanu sarun ionggola su manga seennu wuṛṛu taweddu mangontolla si yamiu.

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YESAYA 1:7

Wanuanu buatte nihohakka; manga soanu nitutungnga na'oman sara nepodda. Su saruannu matanu taumata raho mangnganu letangngu wuṛṛu mandomba al᷊awo'a.

TAHIUL᷊E 32:40

Ringannu arang-Ku sassane, Ruata apan biakka, Iwatte lima-U wuṛṛu massalu:

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 54:9

“Ere sutempo i Nuh i Ya'u maddiandi manungku manawangnga wahewalla tate lai mangammon dunia, aroddi lai orassa indi Ya'u maddiandi manungku i Ya'u tate masa'u ara'e mamansaggi yamiu apia.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

TAHIUL᷊E 28:30

Amungkangngu i yamiu tawe tumuṛṛutta Mawu Ruatanu, manga inolaanna indi sarun maṛṛia'a si yamiu: I yamiu sarun mattatunanga arawe taumata waine ma'awingngu tunanganu udde. I yamiu sarun mapararisikku wal᷊en, arawe tawe atanaanna. I yamiu sarun massuanna waillu anggore, arawe tawe maanna manga wuane.

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YEREMIA 31:5

I yamiu sarun mabbaillu anggore su panenteannu Samaria, wuṛṛu iapa massuanna sarun mani'o wuane lai.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.