YESAYA 62:6 - WUKE SUSI WATTI'U AL᷊AL᷊USASSA

⁶ Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YESAYA 62:6 Referans Kwoze

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.

1 TESALONIKA 5:17

wuṛṛu sidutu u'al᷊iomanna.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

LUKAS 18:39

Manga taumata apan su saruanne, namul᷊o wuṛṛu nandolokki tou niapaal᷊annabba. Arawe i tou sidutu mangngintul᷊i lembon aikkanne lai, “Ana'i Daud! Akkanaawe i ya'u!”

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

2 TAWARIKH 8:14

Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su Mawu wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en Mawu nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

PANDARIADDI 32:26

Ana see unnu taumata udde, “Pallosa'a i ya'u; tate mal᷊annu lai matannallo sumabbangke.” I Yakub sinumimbakka, “I ya'u tawe mamallosi i Tuangnga, tabbene'e amungkangu i Tuangnga mangal᷊amatta si ya'u.”

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

SONDAPPA 6:10

I mangitou u'ui ringannu tingikki mangitou apan ma'ikkatta, “Oh Mawu Lembon Taṛṛino, apan susi wuṛṛu naṛṛino! Pirang katempo lai al᷊annune I'o mamarikissa lal᷊oṛṛon runia wuṛṛu maṛṛuumanni mangitou ana waugu suete namate si yami?”

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

YESAYA 43:26

Paanaungete i Ya'u, wette i ite inaite su mallaṛṛuunga, alaea'e hattonu tadea'u lumiatta'a manungku i'o ṛinone.

ANTARI MAWANTUGA 5:7

I ya'u nisasombannu manga mandariaga soa; i mangitou namuulla wuṛṛu nallessa si ya'u, aal᷊umbaingku nianun mangitou ringannu niwata'a.

ANTARI MAWANTUGA 3:3

I ya'u niasangkal᷊annu mandariaga soa, wuṛṛu ta'u niiwal᷊oanna, “Apa i'o naasilo tatuno naungku?”

DARALO 122:7

Antimanna pia paddarame sulal᷊ummu araratuannu, wuṛṛu langnganna su manga tanda'a watunu.”

YESAYA 49:16

Yerusalem, i Ya'u sidutu uanaungnga si'o; arannu Ta'u ni'uitta su pal᷊addu lima-U.

YEREMIA 14:21

Naungete paaire-Nu, ariewe i yami heloan-Nu; pa'aire-Nu si yami ariewe tawe maola'a. Yerusalem tampa bal᷊en araratuan-Nu apan mawantuga, ariewe heloan-Nu.

LAL᷊ALLU 5:1

Naungete, oh Mawu, apan apan nariaddi si yami. Tannoite i yami, wuṛṛu ellehete al᷊al᷊eon kami.

LAL᷊ALLU 5:20

Anio I'o nanantangngi yami aroddi al᷊annune? I'o naabul᷊iten kami su al᷊o'engngu tempo?