YESAYA 62:12 - WUKE SUSI WATTI'U AL᷊AL᷊USASSA

¹² I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YESAYA 62:12 Referans Kwoze

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

TAHIUL᷊E 26:19

Mawu sarun ma'ola'a si yamiu maggewal᷊anna wuassu anambon balahanna wal᷊ine apan buatte niriadi-Ne, wuṛṛu i yamiu sarun raloanna wuṛṛu adatanna. I yamiu sarun maola'a al᷊aṛṛana'u Mawu Ruata ere buatte nipa'ire-Ne.”

YESAYA 35:9

Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

TAHIUL᷊E 28:9

Amungkangngu i yamiu matuṛṛutta Mawu Ruatanu wuṛṛu ma'ola'a al᷊awo'u tita-Ne, i yamiu sarun olaanna al᷊aṛṛanang-Nge sassane, ere buatte niriandi-Ne.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

DARALO 107:2

Wisara'e paasokka, ei i yamiu apan buatte niapasal᷊amatta wuassu asasusa.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 4:23

Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga.

LUKAS 19:10

Ana'u Taumata nirumanta maddea'a wuṛṛu manal᷊amatta taumata apan nial᷊iwune.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YESAYA 65:1

Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

SASABANGNGA 19:6

mawae su watangang-Ku sassane, wuṛṛu i yamiu sarun mangimbe si Ya'u maola'a manga imam.”

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

YESAYA 62:2

Ei Yerusalem, manga walahanna naasilote auntungannu, manga ratu ua'ellegga awawantugu. I'o sarun isaggo ringannu aranna wakku, Mawu sassane apan mangonggollu aranna udde.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?