YESAYA 61:11 - WUKE SUSI WATTI'U AL᷊AL᷊USASSA

¹¹ Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

YESAYA 61:11 Referans Kwoze

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 62:7

I mangitou tawe wotongnge mamal᷊an Tou mal᷊annabba tantal᷊anna i Tou taambe namangunna apia Yerusalem, wuṛṛu olaanne tumelengnga su ahewallu runia.

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

YESAYA 45:8

Wuassu langitta i Ya'u nanossokku auntunganna ere uranna, runia namu'a watanganne ipanengkamma, ana see napatuwon asasal᷊amatta wuṛṛu apapallossa; i Ya'u Mawu apan na'ola'a udde nariaddi.”

ANTARI MAWANTUGA 4:16

Pabbangunte, ei anginna sawannakka, rantate, ei anginna timukka! Pattiuppe wuassu wawail᷊angku, tadea'u hal᷊urune tumopangnga. Antimanna arangnguangku rumanta su wawail᷊anne, wuṛṛu umanna manga wua apan mangkatemangnga.

DARALO 85:11

Darangngu wuṛṛu tatuṛṛutta sarun masasomba, atatul᷊idda wuṛṛu paddarame sarun mallaṛṛa'uppa.

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

MATIUS 13:3

See Mawu Yesus nangaṛṛa'en al᷊awo'u al᷊aṛṛa'a si mangitou ringannu sasumandingnga. “Sangkatou mabbawailla inaite mangasi'u wualanna,” aroddiwe Mawu Yesus nanattakku watti'i Tou.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

DARALO 72:16

Antimanna ganduma lumambalanna su ahewallu wanua, wuṛṛu manga wuidde napenen hessin sasuanna. Antimanna letange masuwukka ere Panenteannu Libanon, wuṛṛu tumana'u soane aatambanna naal᷊ihidda nannal᷊o su wadda'a.

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

MATIUS 13:8

Arawe pia lai wualanna apan nanawo su leta'a masuwukka, see nabbua; piaddu maṛṛasutta, piaddu anummu pul᷊o, wuṛṛu pia lai paatallum pul᷊one anambone.”

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

PANDARIADDI 1:11

Ruata nabbisara apia, “Ṛinone leta'a mapaasabangngu al᷊awo'u hatin sinuananna, eteudde sinuananna wuane apan pia batune wuṛṛu manga sinuananna apan mabbua.” Ana see olangnge udde nariadite.

YESAYA 62:2

Ei Yerusalem, manga walahanna naasilote auntungannu, manga ratu ua'ellegga awawantugu. I'o sarun isaggo ringannu aranna wakku, Mawu sassane apan mangonggollu aranna udde.