YESAYA 60:7 - WUKE SUSI WATTI'U AL᷊AL᷊USASSA

⁷ Ambingnga domba wuassu Kedar niapidda ringannu domba mendangenna wuassu Nebayot nasaddiate su ipattaṛṛamawunu. Sasamba udde ma'al᷊uassa naungngu Mawu i Tou nalloggakka Wal᷊en-Ne apan napenen awawantuga.

YESAYA 60:7 Referans Kwoze

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

PANDARIADDI 25:13

I Ismael naasomba ana'a siri mapul᷊o dua apan isassago isindi tumuṛṛutu allo niasungkanganne; i Nebayot, i Kedar, i Adbeel, i Mibsam, i Misyma, i Duma, i Masa, i Hadad, i Tema, i Yetur, i Nafis wuṛṛu i Kedma. Al᷊aṛṛana'a udde naola'a iupungngu al᷊amona mapul᷊o dua balahanna, wuṛṛu ampunga wuṛṛu paddasananni mangitou nisago tumuṛṛutu manga aranni mangitou.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

IBRANI 13:10

I ite uatahuanna sambau tampan sasamba pangonggol᷊annu sasamba su Ruata. Wuṛṛu manga imam apan mangngimbe si Tou sulal᷊ummu Rasannu Mawu, tawe su ṛinone umanna sasamba apan uaraddo su wowon tampan sasamba udde.

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.

DARALO 120:5

Nasilakate i ya'u ana waugu sidutu mabbiakka ringannu; tawe paṛalane ere uatana'a su Mesekh, ara'e suwallatu taumatan Kedar.

ANTARI MAWANTUGA 1:5

Salaiwe ma'itumma, i ya'u maṛṛamaga, ore manga maṛṛualan Yerusalem; ma'itumma ere manga rasannu Kedar, arawe maṛṛansangnga ere manga pampele su wal᷊en araratuanni Salomo!

YESAYA 19:19

Sutempo udde su al᷊imboi banua Mesir sarun pia sambau mezbah Mawu, wuṛṛu su passaranne sambau diṛṛi watu apan niṛṛae hunan Mawu.

YESAYA 19:21

Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 21:16

Wua'udde Mawu nabbisara si ya'u, “Matipussa santonna lai awawantugu manga ṛuangannu Kedar sarun masue.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 27:21

Taumatan Arab wuṛṛu tembonannu leta'u Kedar namalli manga saranapanu ringannu ana'u domba, domba esakka wuṛṛu ambingnga. Su ipamalli manga saranapanu manga mabbawal᷊u'a wuassu Syeba wuṛṛu Raema nangapiddu manga permata, wul᷊awanna wuṛṛu rampa-rampa apan apianne.

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.