YESAYA 60:6 - WUKE SUSI WATTI'U AL᷊AL᷊USASSA

⁶ Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YESAYA 60:6 Referans Kwoze

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 72:15

Sal᷊amatte si tuangnga ratu! Antimanna si tou ionggolla wul᷊awanna wuassu Arab. Antimanna i tou ial᷊iomanna suapan tempo wuṛṛu sidutu daringiṛṛanna.

MAL᷊AṚṚUUNGNGA 6:5

Manga taumata udde nirumanta mangngelekka uaapiddu winatanga wuṛṛu rasanni mangitou sulal᷊ummu ammul᷊anna apan bahewalla. I mangitou wuṛṛu manga untan i mangitou tumaniten manambo na'oman sara tate iareengnga. I mangitou nirumanta nanggohakku wanua udde,

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

PANDARIADDI 10:7

Papulunni Kus eteudde tumana'u Seba, Hawila, Sabta, Raema wuṛṛu Sabtekha. Papulunni Raema eteudde tumana'u Syeba wuṛṛu Dedan.

ROMA 15:9

Mawu Yesus lai na'ola'a manga walahanna waine mammantuga Ruata ana waugu apapia naungnge si mangitou. Sulal᷊ummu Wuke Susi uawoṛṛetta arendi, “Ana waugu udde i ya'u maddalo Si'o su wallattu manga walahanna, i ya'u sarun mangantari aantarin daralo ipaddalo aran-Nu.”

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

1 MARARATU 10:2

I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

2 TAWARIKH 9:1

Ratun wanua Syeba naaringikka su ola'u i Salomo tinumelengke. Ne i tou nirumanta su Yerusalem manaṛṛasidda si Salomo ringannu aiwal᷊o apan masahadda. I tou nirumanta tatantalongannu manambo taumata wuṛṛu unta apan napene lal᷊uranannu rampa-rampa, watu permata, wuṛṛu wul᷊awanna tumaniten manambo. Sutempo nassombaten Salomo, ratu udde nangapiddu al᷊awo'u aiwal᷊o apan wotongnge asingkatanne.

2 MARARATU 8:9

I Hazael nanganu unta wuṛṛu niluranannu al᷊awo'u wuan sasuannu soan Damsyik, ana see inaite ringanni Elisa. Napawe na'omate su tampan Elisa, i Hazael nabbisara, “Allangu Ratu Benhadad, nandolo'u iappaiwal᷊o Mawu tanne i tou mapia ara'e tawe.”

MAL᷊AṚṚUUNGNGA 7:12

Taumatan Midian, Amalek wuṛṛu manga taumata waine wuassu wadda'u anne, uasal᷊iawukka su al᷊awo'u tampa su wawal᷊anne udde. Aellehanna naal᷊ihidda saṛampalanna apan uaammula. Manga untan mangitou tumanite manambo naal᷊ihidda anne su winggin sahatta.

PANDARIADDI 25:13

I Ismael naasomba ana'a siri mapul᷊o dua apan isassago isindi tumuṛṛutu allo niasungkanganne; i Nebayot, i Kedar, i Adbeel, i Mibsam, i Misyma, i Duma, i Masa, i Hadad, i Tema, i Yetur, i Nafis wuṛṛu i Kedma. Al᷊aṛṛana'a udde naola'a iupungngu al᷊amona mapul᷊o dua balahanna, wuṛṛu ampunga wuṛṛu paddasananni mangitou nisago tumuṛṛutu manga aranni mangitou.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

1 TAWARIKH 1:33

I Midian pia ana'a esakka aranne: i Efa, i Efer, i Hanokh, i Abida wuṛṛu i Eldaa.

DARALO 67:4

Antimanna manga walahanna maddalo Si'o, oh Ruata, antimanna anambon walahanna maadiangkamanna Si'o.