YESAYA 60:5 - WUKE SUSI WATTI'U AL᷊AL᷊USASSA

⁵ Naasilo udde i'o tinumiangnga wuṛṛu hatinu nasemakka; i'o naherangnga wuṛṛu nahewalla naungnga. Darotongngu manga walahanna niapidda ringannu, pa'aala wuassu samba'an tahal᷊oangnga niombo si'o.

YESAYA 60:5 Referans Kwoze

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YESAYA 23:18

Auntunganna wuṛṛu sewa apan aompaanne sarun tawe iaddo, arawe sarun ionggolli tou su Mawu. Manga taumata apan massubba Mawu sarun mappaattu roitta udde ipamalli anna wuṛṛu laubba apan haggausanni mangitou.

WATTI'U MANGA RASUL 11:17

Nariaddi nasemakke Ruata lai mangngonggolla su taumata apan agamane wal᷊ine Yahudi udde, aonggolla apan uasul᷊ungnga nionggolli Tou si ite su tempo i ite mangngimanna Mawu Yesus Kristus. Ana waugu udde, tawe mariaddi ya'u maningaddu Ruata!”

WATTI'U MANGA RASUL 10:45

Manga taumatan Yahudi apan mangngimanna Mawu Yesus wuṛṛu taumata uatantalongnga si Petrus wuassu Yope, sarangkanambone naherangnga naasilo Ruata nangonggolu Ghaṛṛaho-Ne su manga taumata walahanna waine apan wal᷊ine Yahudi.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.

ROMA 15:26

Ana waugu manga jamaatta su Makedonia wuṛṛu Akhaya maapulute mangonggolu sasumbala su manga tuṛṛangnga apan asiangnga su wallattu jamaattu Ruata su Yerusalem.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

WATTI'U MANGA RASUL 24:17

Napawe pirate tonna tawe uatana'a su Yerusalem, i ya'u nabelengke apia su Yerusalem nangapiddu sasumbala roitta su pabbawala'u wuṛṛu nangapiddu aonggolla sasamba su Ruata.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YESAYA 60:11

Allo ṛabbi ngaran soanu sarun wawu'anna, tadea'u pa'aala manga araratuanna wotongnge iuntudda si'o, wuṛṛu manga ratun mangitou maola'a tawananna.

YESAYA 54:2

Tambaite ahewallu manga rasanna atatanaannu; lo'engke manga tal᷊ine wuṛṛu tohasse manga pasa'e!

DARALO 34:5

I ya'u niumal᷊iomanna su Mawu, wuṛṛu i Tou sinumimbakka, wuṛṛu i ya'u nipallossa wuassu atata'utta.

SONDAPPA 21:26

Awawantuga wuṛṛu paa'ala manga walahanna sarun iapidda watukku lal᷊ummu soa udde.

2 KORINTUS 10:15

I yami tawe naddalo watanganni yami su manaran taumata waine apan su liuddu passaranna apan buatte tinantunnu Ruata si yami. Arawe i yami sidutu sulal᷊ummu passaranna apan suete tinantunnu Ruata si yami wuṛṛu mangngantimma manungku i yamiu lembon mangngimanna si Kristus, tadea'u i yami wotongnge mappa'ola'a manara apan lembon ahewal᷊anne su wallatti yamiu.

SONDAPPA 21:24

Manga walahanna su runia sarun umamatta sulal᷊ummu asasemakke, wuṛṛu manga ratu lai sarun mangapiddu pa'a'ala mangitou watukku soa udde.

TAHIUL᷊E 33:19

I mangitou nannote manga walahannu su wowone mangitou wuṛṛu nangonggolu sasamba apan naṛṛino poiaroddi. I mangitou naasomba pa'a'ala wuassu tahal᷊oangnga, wuṛṛu wuassu anne su al᷊o'engngu apanne.”

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.

YESAYA 66:12

Ana waugu Mawu nabbisara, “I yamiu sarun Ta'u onggol᷊annu lal᷊umanna'a naal᷊ihidda sal᷊ukka apan mangngelekka; pa'aala manga walahanna sarun iapidda ringannu naal᷊ihidda sal᷊ukka apan tuttompe'a. I yamiu naal᷊ihidda ana'a apan iappasusu wuṛṛu sasal᷊uruannu inangngene, see lai sassaṛṛiolohanna su ṛiwane.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.