YESAYA 60:22 - WUKE SUSI WATTI'U AL᷊AL᷊USASSA

²² Ewe'e lai amonanna apan addio'a wuṛṛu masa'ina sarun mabbal᷊i walahanna apan bahewalla wuṛṛu matohassa. I Ya'u Mawu sarun mal᷊ihakke mammanara sutempo apan na'etta'a ara'e natantunna.”

YESAYA 60:22 Referans Kwoze

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

2 PETRUS 3:8

Arawe manga tuṛṛangku, hatto sambau indi arie paabbul᷊iane: manungku su aellegu Mawu, allo massallo tawe paṛṛalane ringannu saṛṛiwu su tonnane – itarua udde nassul᷊ungnga si Tou.

YESAYA 66:8

Isai buatte naaringikka olangnge ereudde? Isai buatte naasilo arariaddianna lihidde ereudde? Arawe walahannu Israel nasungkangke sutempo Sion mannatakke ma'apendamma taddu'a manungkangnga.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

WATTI'U MANGA RASUL 5:14

Wuṛṛu mallannu mangke a'atambanna anambone manga taumata apan mangngimanna Mawu – mapia esakka ara'e wawine.

WATTI'U MANGA RASUL 2:41

Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”