YESAYA 60:21 - WUKE SUSI WATTI'U AL᷊AL᷊USASSA

²¹ Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 60:21 Referans Kwoze

MATIUS 15:13

Mawu Yesus sinumimbakka, “Manga sinuananna apan tawe nisuannu Iamangku su surga sarun abbutanna.

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

DARALO 92:13

Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YESAYA 57:13

Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

2 TESALONIKA 1:10

sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

YESAYA 49:3

Wisara-Ne si ya'u, “Ete i'o allang-Ku; i Ya'u sarun wantuhanna ana waugu i'o.”

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 19:25

Mawu Apan Lembontaṛṛino sarun mangal᷊amatta si mangitou wuṛṛu mabbisara, “i Ya'u mangal᷊amatta si yamiu, ei Mesir uma-U, Asyur niriaddi-U, wuṛṛu Israel umatta apan nipile-U.”

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 26:2

Wu'ate manga ngaran soa, tadea'u sumutta walahanna apan satia, walahanna apan tuttuṛṛutta apulun Duatane.

YESAYA 45:8

Wuassu langitta i Ya'u nanossokku auntunganna ere uranna, runia namu'a watanganne ipanengkamma, ana see napatuwon asasal᷊amatta wuṛṛu apapallossa; i Ya'u Mawu apan na'ola'a udde nariaddi.”

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 61:11

Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.

YEHEZKIEL 34:29

I Ya'u sarun mapaasuwukku manga wawail᷊anni mangitou ma'oman sara tate tempon ṛutumma lai su wanua udde. I mangitou tate al᷊uandahannu manga walahanna waine.

YEHEZKIEL 47:7

wuṛṛu i ya'u naasilo manungku su winggin sal᷊ukka udde pia manambo aaluanna.

AMOS 9:15

I Ya'u sarun mapatana'u uma-U su wanua apan buatte Ta'u nionggolla si mangitou. I mangitou tate lai wambanganna wua poiaroddi. I Ya'u Mawu Ruatan mangitou buatte nabbisara.”

2 SAMUEL 7:10

See lai pabbawala-U Israel buatte Ta'u nisaddianna tampa wuṛṛu Ta'u nirolokka i mangitou mamanua isudde, tadea'u i mangitou wotongnge mabbiakka ringannu matammudda, taweddu manal᷊awa'a lai. Ro'en i mangitou naranta su leta'a indi dorone, wuṛṛu lai Ta'u nitenega manga piaṛṛa'i mangitou, i mangitou buatte nipangaloannu manga taumata apan maapulun araṛṛagissa, arawe olangnge udde tawe nariaddi apia. I Ya'u maddiandi manungku i'o sarun marau wuassu al᷊awo'u hatin seetta, wuṛṛu i Ya'u lai sarun mangonggollu papapulunna si'o.

DARALO 37:18

Mawu ual᷊u'adda wiakku taumata susi, darotongnga pussa'an mangitou saran mal᷊annu-l᷊annu.

DARALO 37:29

Taumata susi sarun manahuanna leta'a udde, wuṛṛu mamanua isudde saran mal᷊annu-l᷊annu.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YEREMIA 24:6

I Ya'u sarun mallu'adda si mangitou wuṛṛu mangapiddi mangitou apia su wanua indi. I Ya'u sarun mapararisikka, tawe makka'an mangitou; i Ya'u sarun massuanna, wal᷊ine mangabbutta si mangitou.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

YEHEZKIEL 11:17

I Ya'u, Mawu Apan Atanggaṛṛanne, mapal᷊iatta'a manungku i Ya'u sarun mangammuli mangitou wuassu manga wanua su tampa i mangitou nisal᷊iawukka, ana see mamelengngu leta'u Israel si mangitou.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

ZEFANYA 3:13

Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”