YESAYA 60:20 - WUKE SUSI WATTI'U AL᷊AL᷊USASSA

²⁰ Ete si'o pia matannallo apan tawe umattuppa, wuṛṛu wul᷊anna apan tawe mansa'a. Ana waugu i Ya'u Mawu maola'a mananemakka apan tutune si'o tempon lal᷊alonu sarun masue.

YESAYA 60:20 Referans Kwoze

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

YESAYA 30:19

Ei i yamiu apan uatana'a su Yerusalem, i yamiu tawe sidutu mangke lulluai. Mawu pia aakkanna, wuṛṛu ringannu mal᷊ihakka sumimbakka si yamiu amungkangngu sumal᷊ande maddorongnga tul᷊unganna si Tou.

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

AMOS 8:9

Sarun a'omanna tempone i Ya'u sarun mapaatuppu matannallo sutempo allattune wuṛṛu runia mabbal᷊i marandumma sutempo allo. I Ya'u, Mawu Apan Atanggaṛṛanne, buatte nabbisara.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

LAL᷊ALLU 5:21

Oh Mawu, apira'e i yami mabbelengnga ringan-Nu; i yami sarun mabbelengnga ringan-Nu! Sul᷊ea'e lal᷊umanna'i yami ere dorone.

ZAKARIA 14:7

Su allo udde tate lai ararandumma. Allo udde sidutu masemmakka, wuṛṛu lai sutempo ṛabbi. Arawe tumba'u Mawu apan masingkattu allo udde rumanta.