YESAYA 60:17 - WUKE SUSI WATTI'U AL᷊AL᷊USASSA

¹⁷ I Ya'u uaapiddu wul᷊awanna ipangganti witu'a, wuṛṛu sal᷊a'a ipangganti atta'a. Ta'u nionggol᷊annu witu'a ipangganti alu, wuṛṛu atta'a ipangganti watu. Wanuanu sarun Ta'u olaanna matammudda wuṛṛu mal᷊angnganna, wuṛṛu paparentanna ringannu atatul᷊idda.

YESAYA 60:17 Referans Kwoze

IBRANI 11:40

ana waugu Ruata pia pandumanna apan lembon apianne si ite. Pandumanne eteudde manungku tumba'u uaaukka su sambau ringanni ite i mangitou sarun masuungnga.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YESAYA 1:26

I yamiu lau sarun Ta'u onggol᷊annu manga mallaṛṛuungnga wuṛṛu manga manananantiro ere dorone. Ne Yerusalem sarun isaggo soa apan matul᷊idda wuṛṛu satia.”

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

DARALO 147:14

I Tou mallu'adda wageangngu letangngu tadea'u sidutu mal᷊angnganna, wuṛṛu malluassa si'o ringannu gandumma apan apianne.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

DANIEL 11:20

I tou sarun hantiannu sangkatou ratu apan mandolokku mamanarane apan maṛṛagissa iapaammullu wose ringannu iwata'a ipanamba paa'alan araratuanne. Sulal᷊ummu tempo apan mal᷊ihakka ratu udde sarun pateanna, tawe ringannu uahahati wuṛṛu tawe lai ringannu papangalo.”

HAGAI 2:8

Al᷊awo'u wul᷊awanna wuṛṛu sal᷊a'a su runia indi udde pussa'a-Ku.

1 MARARATU 6:30

Rapappake sulal᷊ummu Wal᷊en Mawu udde sarangkanambone nioossu wul᷊awanna.

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

YESAYA 55:13

Alu cemara sarun mangganti aputta ṛoaanna sasuanna bunga mangganti manga pal᷊ampungnga. Udde mariaddi tadea'u i Ya'u tumelengnga; maola'a tatiala sarangkal᷊o'enge apan tawe mawul᷊i.”