YESAYA 60:12 - WUKE SUSI WATTI'U AL᷊AL᷊USASSA

¹² Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YESAYA 60:12 Referans Kwoze

YESAYA 54:15

Napawe i'o pangaloanna, wal᷊inewe i Ya'u apan nandolokka, salaiwe isai mamangalo si'o sarun manawo.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

YESAYA 41:11

Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

MATIUS 21:44

Taumata apan nema'a su watu udde, sarun mapussa'a; wuṛṛu taumata apan niaemaannu watu udde, sarun atal᷊inggianne maola'a awu.]”

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

DARALO 108:13

Ontol᷊ewe i yami su saruannu seetta, ana waugu sasumbalan taumata tawe gunane.

YEREMIA 12:17

Arawe walahanna apan maddiri tumuṛṛutta si Ya'u, sarun Ta'u abbutanna ere sasuanna wuṛṛu Ta'u punanna. I Ya'u, Mawu, buatte nabbisara.”

DANIEL 2:34

Sutempo Tuangku tantal᷊anna mannutukka, sambau watu wahewalla napallossa wuassu rampissa, ringannu tawe nieṛṛetannu taumata, ana see nangema'a paal᷊uanna udde su leddane apan niola'a wuassu aatta'a wuṛṛu leta'a maṛṛamutta udde, na'oman sara napussa'a.

DANIEL 7:18

Arawe umattu Ruata Apan Atanggaṛṛanne sarun manengkamma manara ipamarenta wuṛṛu pamamarentane sarun mattaṛṛangnga saran mal᷊annu-l᷊annu.”

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

ZAKARIA 9:10

Mawu nabbisara, “Manga keretan pangalo wuassu Efraim sarun Ta'u iramme, anambon awal᷊o su Yerusalem sarun Ta'u iapaawul᷊i wuṛṛu al᷊awo'u anaanna sarun Ta'u ṛimunsaanna. Ratunu sarun umal᷊iatan paddarame su manga walahanna. Wuassu tahal᷊oangnga watukku tahal᷊oangnga i Tou uataṛṛino, wuassu Sal᷊ukku Efrat maddatingngu pentakku runia.”