YESAYA 6:8 - WUKE SUSI WATTI'U AL᷊AL᷊USASSA

⁸ Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

YESAYA 6:8 Referans Kwoze

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

YESAYA 65:1

Mawu nabbisara, “Ya'u nasaddiate sumimbakka uma-U, arawe i mangitou tawe umal᷊iomanna si Ya'u. Ya'u uasaddia paisasombanni mangitou, arawe i mangitou tawe maddea'a si Ya'u. Walahanna udde maddiri mamaggo si Ya'u, salaiwe i Ya'u nasaddiate sumimbakka: i Ya'u indite!

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

PANDARIADDI 1:26

Wua'udde Ruata nabbisara, “Orassa indi i ate ma'ola'a taumata ere lihiddi Ite wuṛṛu nassul᷊ungngi Ite. I mangitou sarun uataṛṛino manga inassa, manga manu'u winalanganna, wuṛṛu al᷊awo'u winatangnga waine, mawae ete maṛṛaro aroddi lai matengnga, mapia ete wahewalla aroddi lai maradio'a.”

PANDARIADDI 11:7

Mappianne i ite sumossokke wuṛṛu manongkakku sasinaukki mangitou tadea'u i mangitou tate waṛṛun kasunanna.”

YEHEZKIEL 1:24

Amungkangngu i mangitou tumalla'a, i ya'u maaringikka tingikku papaidde; tingikke ere ua'e mappampassa, ere lempangngu tantara apan manambo, ere tingikku Ruata Apan Lembontaṛṛino. Amungkangngu i mangitou tawe tumalla'a, i mangitou mallappu manga papaidde,

1 MARARATU 22:20

Mawu naiwal᷊o, ‘Isai apan sarun massal᷊o'i Ahab tadea'u i tou mappulu inai mappapangalo wuṛṛu mate su Ramot su Gilead?’ Sasimbakku manga mala'ekatta udde uapapaṛṛala.

YEHEZKIEL 10:5

Tingikku sal᷊iappakku papaiddu manga mala'ekatta udde aaringiṛṛanna sara rallakka su liudde, naal᷊ihidda tingikku Ruata Apan Atanggaṛṛanne.

PANDARIADDI 3:22

Ruata nabbisara, “Orassa indi taumata nabbal᷊ite ere i ite wuṛṛu uatahuanna asingakatta su ola'u apapia wuṛṛu al᷊al᷊eo. Nariaddi mappianne isingadde i tou umanna wuan kalu apan mangngonggolu wiakka, tadea'u arie i tou mabbiakka saran mal᷊annu-l᷊annu.”

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

WATTI'U MANGA RASUL 26:19

“Ana waugu udde, Tuangnga Agripa, i ya'u sidutu mattinsahadda tuttuṛṛutta sondappa apan suete ta'u nisengkamma wuassu Ruata udde.

1 SAMUEL 3:4

Mawu namago si Samuel, ana see i Samuel sinumimbakka, “I ya'u, Papa!”

YEHEZKIEL 9:1

Wua'udde i ya'u naaringikka Ruata niumui, “Rantate isindi ei manga taumata apan sarun mapaamattu ṛuumang-Ku su soa indi. Apira'e manga ahiddu!”

PANDARIADDI 22:1

Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

PANDARIADDI 22:11

Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”

2 SAMUEL 1:7

I Saul nanaile liudde, ne naasilo si ya'u, ana see i ya'u niwagoanne, ne i ya'u sinumimbakka, “I ya'u, Tuangku.”