YESAYA 6:5 - WUKE SUSI WATTI'U AL᷊AL᷊USASSA

⁵ Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YESAYA 6:5 Referans Kwoze

YEREMIA 1:6

I ya'u sinumimbakka, “Ore Mawu Apan Atanggaṛṛanne, i ya'u ta'e wagga mabbisara ana waugu i ya'u ta'e dario'a.”

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

SASABANGNGA 4:10

Arawe i Musa nabbisara, “Oh, Mawu, i ya'u wal᷊inewe taumata pande masinaukka, mawae ete dorone aroddi lai orassa indi, napawe Mawu buatte nabbisara si ya'u. Lila'u mawakkata, mabbisara mal᷊iwue wuṛṛu tawe masaṛṛawutta.”

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

SASABANGNGA 6:12

Ete aroddi Mawu nandolokki Musa wuṛṛu i Harun iapapasingkatta su walahannu Israel wuṛṛu su ratu Mesir manungku itarua nirolokku Mawu iapapiaṛṛa'u walahannu Israel sumabangnga wuassu Mesir.

MAL᷊AṚṚUUNGNGA 6:22

I Gideon naatutukka manungku apan nirumanta ringanni tou udde mala'ekattu Mawu sassane. Ne ringannu matta'utta i Gideon nabbisara, “Nasilakate i ya'u, oh Mawu Apan Atanggaṛṛanne! Ana waugu i ya'u buatte nasasaruannu mala'ekan-Nu!”

SASABANGNGA 33:20

Hati-U sarun tawe Ta'u ipasilo si'o, ana waugu taumata tawe wotongnge maasilo si Ya'u, wuṛṛu sidutu wiakka.

MAL᷊AṚṚUUNGNGA 13:22

Ana see i Manoah nabbisara awingnge, “Iaddua sarun mate ana waugu iaddua buatte naasilo Ruata!”

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YESAYA 33:17

Sarun a'omanna tempone i yamiu maasilo sangkatou ratu apan mammarenta ringannu mawantuga su wanua apan uawatadda su ahewallu pi'une.

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

SASABANGNGA 24:10

wuṛṛu i mangitou naasilote Ruata Israel uarisikka al᷊iurosone su sambau tampa naal᷊ihidda apampakku wal᷊en wuassu nilam, wuṛṛu ma'elomma naal᷊ihidda langitta masemakka.

REENGANNA 17:12

Ana see taumatan Israel nabbisara si Musa, “Amungkangngu aroddi, nasilakate yami! Yami sarun mate!

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

PANDARIADDI 32:31

Su tempo matannallo sumabangke, i Yakub nanantangken Pniel, wuṛṛu i tou u'ento ana waugu passondorannu tapanangnge naggal᷊isa.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

DARALO 24:10

Isai Ratu apan mawantuga? Mawu Apan Lembontaṛṛino, Ete i Tou Ratu apan mawantuga!

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.