YESAYA 6:2 - WUKE SUSI WATTI'U AL᷊AL᷊USASSA

² Uapal᷊iwutta si Tou uarisikka manga riaddianna apan lukkenggamma ere putungnga, sambau-sambau pia papaidde annumma. Papaidde darua ual᷊indumma hatine, darua uataappa waddangnge, wuṛṛu darua lai ipappaatta tuttalla'a.

YESAYA 6:2 Referans Kwoze

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

YEHEZKIEL 1:11

Sampare papaidda wuassu riadianna udde niapati'akka ire'e na'oman sara nangindinga pentakku manga papaiddu riaddianna su sandiṛṛanne, wuṛṛu papaidde sampare lai lal᷊appuanna uataappa wadangnge.

DARALO 104:4

Anginna niolang-Ngu daroloṛṛan-Nu, wuṛṛu sawallo mangangimbe-Nu.

DARALO 103:20

Paddalote Mawu, ei manga mala'ekan-Ne apan matohassa, apan sidutu uararingikka wuṛṛu tuttuṛṛutta parenta-Ne.

YESAYA 6:6

Wua'udde sambau suwallattu riaddianna udde tinumalla'a ringangku uaapiddu waṛṛa apan nianun sasipitta wuassu mezbah.

DARALO 18:10

Langitta niwaa-Ne, ana see sinumossoke i Tou ringannu winabbawa marandumma su al᷊ungngu ledda-Ne.

1 MARARATU 6:24

uuṛṛanne wuṛṛu sarṛṛene nassul᷊ungnga. Sambau-sambau uatahuanna darua papaidda, suapan papaidda udde 2,2 metere al᷊o'engnge. Wallattu darua pentakku papaidda wuassu paal᷊uanna darua udde 4,4 metere.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

SONDAPPA 8:13

Ana see i ya'u na'ellega, ne i ya'u naaringikka sambau manu'a rajawali tantal᷊anna tuttalla'a matanggakka su winalanganna, u'ui, “Silaka! Silaka! Nasilakate anambon taumata su runia napawe niaringiṛṛante sire tallu mala'ekatta waine apan mattiuppa trompenne murine!”

SONDAPPA 7:11

Anambon mala'ekatta uarisikka uapal᷊iwutta adderan araratuanna wuṛṛu manga piaṛṛange see sire appata riadianna udde. Manga mala'ekatta udde uaruutta su saruannu adderan araratuanna see nassubba Ruata.

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

YEHEZKIEL 10:21

Manga mala'ekatta udde sambau-sambau uatahuanna appata hati, ruan pare papaidda, wuṛṛu lai sambau apan naal᷊ihidda ta'iakku taumata su al᷊ungngu manga papaidda udde.

YEHEZKIEL 1:24

Amungkangngu i mangitou tumalla'a, i ya'u maaringikka tingikku papaidde; tingikke ere ua'e mappampassa, ere lempangngu tantara apan manambo, ere tingikku Ruata Apan Lembontaṛṛino. Amungkangngu i mangitou tawe tumalla'a, i mangitou mallappu manga papaidde,

YEHEZKIEL 1:9

Sampare papaidda wuassu suapan riadianna udde mati'akka wuṛṛu manga pentakke uaindingnga ringannu papaiddu riadianna waine, na'oman sara appatta riadianna udde naola'a uataṛṛa wu'u appatta. Amungkangngu umal᷊ore, i mangitou sambau-sambau u'al᷊ore matul᷊idda watukku saruanne ringannu tawe maawal᷊elongu wadangnge.

YEHEZKIEL 1:6

wuṛṛu sambau-sambau pia gatine wuṛṛu ruan pare papaidda.

AYUB 15:15

Ewe'e lai su mala'ekatta Ruata tawe mangimanna; su aellegu Ruata i mangitou tawe na'ukkassa.

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

1 MARARATU 8:7

Papaidu manga paal᷊uanna udde uasiappakka nanaapa wantalla udde wuṛṛu manga alu papasannane.

1 MARARATU 6:27

Paal᷊uanna darua udde niaddo uasasandiṛṛannu Wabbo'a Lembon Susi na'oman sara sambau papaidda wuassu paal᷊uanna sambau udde ua'eṛṛetta su darandungnga, wuṛṛu papaida mala'ekatta udde nilapisannu wul᷊awanna.

SASABANGNGA 37:9

wuṛṛu niola'a uasasaruanna, ringannu papaidde uati'akka uataappa lal᷊uubu wantalla udde.

SASABANGNGA 25:20

wuṛṛu olaanna uasasaruanna ringannu papaidda apan uasiappaka su wantalla udde.

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

AYUB 4:18

Ewe'e lai manga allangngu Ruata su surga, tawe apangimanan-Ne. Ewe'e lai su manga mala'ekan-Ne niasangkal᷊an-Ne pasasal᷊a wuṛṛu sangkulla.

1 MARARATU 19:13

Sutempo i Elia naaringikka tingikka udde, i tou nanaappa hatine ringannu jubane, see sinumabbangnga wuṛṛu dirumarisikka su moṛṛongngu loṛṛangnga udde. Ne niaringikke tingikka apan mabbisara, “Elia, tantal᷊anna ma'ura i'o isindi?”

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

PANDARIADDI 17:3

Ana see niumal᷊intuddate i Abram, wua'udde Ruata nabbisara,

IBRANI 1:7

Su ola'u manga mala'ekatta udde, Ruata nabbisara arendi, “Ruata nandiaddi manga mala'ekan-Ne nabbal᷊i anginna, wuṛṛu manga allang-Nge nabbal᷊i ṛenggamu putungnga.”

LUKAS 1:10

Tantal᷊anna amania tattutunganna taumata nambo u'al᷊iomanna su liudde.

ZAKARIA 3:4

Ne mala'ekatta udde nabbisarate su manga mangangimbe su surga, “Rammea'e laubba nallal᷊uhuranna apan ual᷊uṛṛe su taumata indi.” Wuṛṛu si Yosua i tou nabbisara, “Rosanu buatte ta'u niramme, i'o ta'u onggol᷊annu laubba wakku.”

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

YEHEZKIEL 1:4

I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.