YESAYA 6:13 - WUKE SUSI WATTI'U AL᷊AL᷊USASSA

¹³ Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YESAYA 6:13 Referans Kwoze

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

EZRA 9:2

Taumata esakku Yahudi naawingnga ringannu wawine walahanna waine, na'oman sara umatta al᷊aṛṛaene pussa'a Mawu tate tutune lai. Ewe'e lai apan dorone na'ola'a udde manga matatimmadde wuṛṛu tembonannu Israel.

MARKUS 13:20

Unnu wisara, Ruata tawe nangautta tempone udde, ne tawe saran sangkatou masal᷊amatta. Arawe ana waugu manga taumata apan nipele-Ne, Ruata nangautta tempone udde.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

AMOS 5:3

Mawu Apan Atanggaṛṛanne nabbisara, “Sambau soa su Israel napaasabbangngu saṛṛiwu su atoune tantara, arawe apan nawelengnga tumba'u maṛṛasutta; soa apan apan waine napaasabbangngu maṛṛasutta su atoune, apan nawelengnga tumba'u mapul᷊o.”

ZAKARIA 13:8

wuṛṛu su ahewallu wanua darua per tatallu wuassu tumanangnge sarun mate.

TAHIUL᷊E 28:62

Salaiwe reengannu anambone erete anumpitanna su langitta, tumba'u matul᷊unga suwallatti yamiu apan ta'e wiakka, ana waugu i yamiu tawe tumuṛṛutta Mawu Ruatanu.

EZRA 9:8

Arawe orassa indi, oh Mawu Ruatan kami, I'o wakkute niumakkanni yami. I'o namallossu manga pira taumata suwallatti yami wuassu patataṛṛuallanga tadea'u mabbiakka ringannu mal᷊angnganna su tampa apan niṛṛae indi. I'o nangonggolla si yami pabbiaṛṛanna wakku.

MIKHA 5:6

Taumatan Israel apan lambene sarun maola'a ere wal᷊angngukka apan masuge wuassu Mawu hunan anambon balahanna, wuṛṛu ere uranna nangansalla su sinuananna. I mangitou sarun mangunsandakka su Ruata wuṛṛu wal᷊ine su taumata.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.