YESAYA 59:8 - WUKE SUSI WATTI'U AL᷊AL᷊USASSA

⁸ I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

YESAYA 59:8 Referans Kwoze

ROMA 3:17

I mangitou wuta su ola'u lal᷊annu al᷊al᷊uassa,

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

AMSAL 3:17

Asingkatta ma'ola'a wiakku masunge wuṛṛu matahul᷊andimma.

AMSAL 2:15

I mangitou taṛṛa l᷊inga wuṛṛu lal᷊annu pabbiaṛṛanni mangitou wengkolla.

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

YESAYA 59:9

Pabbawalaga udde nabbisara Ruata, “Orassa indi i yami masingkatte anio I'o tawe nanal᷊amatta si yamiu wuassu manga taumata apan mangngallanga si yamiu. I yami uaṛṛaddo semakka, arawe tumba'u pia ararandumma.

YESAYA 59:11

I yami su atata'utta wuṛṛu su asasusa; i yami maddea'a atatul᷊idda, arawe tawe baddi'a; i yami mangngantimma asasal᷊amatta, arawe tawe gunane.

AMSAL 2:13

I mangitou maddiri mallaṛṛenggenna lal᷊annu pabbiaṛṛanna apan suṛṛinone; i mangitou niumamatta su lal᷊anna apan marandumma wuṛṛu napenen dosa.

AMSAL 21:8

Taumata nassal᷊a, pasi wengkolla lal᷊anne; taumata mapia sidutu matul᷊idda wiakke.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.