YESAYA 59:7 - WUKE SUSI WATTI'U AL᷊AL᷊USASSA

⁷ I ya'u tawe illol᷊one makkiinnu al᷊al᷊eo, wuṛṛu mangke mappulute mal᷊ihakka olaanna. Ringannu tawe go'ane i yamiu mammate taumata apan tawe sal᷊ane; suapan tampa i yamiu inai, i yamiu mannantangngu ahaho akka wuṛṛu awawinasa.

YESAYA 59:7 Referans Kwoze

AMSAL 1:16

I mangitou tawe matatana'a mal᷊annabba amungkangu taambe na'ola'a al᷊al᷊eo. I mangitou apulune mal᷊iha-l᷊ihakka mamate.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

AMSAL 24:9

Suapan hol᷊agu taumata woddo uddewe rosa. Taumata apan sidutu mappasal᷊an taumata waine, tawe aranguannu anambon taumata.

AMSAL 15:26

Mawu maddantinnu hol᷊aga apan dal᷊eo; arawe manga wisara apan mapia maal᷊uassa naung-Nge.

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

YESAYA 32:6

Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YESAYA 66:4

Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YEREMIA 41:7

Tawe nal᷊annu napawe i mangitou na'omate su tangngan soa, i Ismael wuṛṛu manga taumatane mammatete si mangitou. Arawe siri mapul᷊o suwallatti mangitou nabbisara si Ismael, “Arie pappate i yami! I yami ta'e uatahuanna darua hatin gandumma, see lai lanan zaitun, wuṛṛu pul᷊a. Sarangkanambone nuwuning kami su liddu soa.” Ana waugu udde i Ismael tawe namate si mangitou, arawe ingana'a waine nipatene wuṛṛu winal᷊unanni mangitou nilombo su paṛṛihi.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.