YESAYA 59:5 - WUKE SUSI WATTI'U AL᷊AL᷊USASSA

^5-6 Manga ṛiinni yamiu apan dal᷊eo mangngapiddu papate ere tallukku atoanna mawisa. Amungkangngu tallukka udde pesanganna, sumabbangke atoanne. Ṛiinna udde mangke tawe gunane si yamiu, naal᷊ihidda laubba apan niraddu'a wuassu sal᷊akku al᷊imbuwutta!

YESAYA 59:5 Referans Kwoze

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

YESAYA 14:29

Ei walahannu Filistin, pal᷊o-pal᷊o apan ipappaatta ipamuulla si'o napaddite. Arawe arie i'o lumuassa, ana waugu amungkangngu atoanna sambau nate, atoanna apan nangillembon al᷊eoanne lai rumanta mallol᷊ossa si tou, wuṛṛu tallukku atoanna mangngissa'u naga pia papaidde.

AMSAL 23:32

Tiṛṛabbine marua allo i'o sarun maapendamma ere niapattu atoanna mawisa.

AYUB 8:14

Sambassutta wananna al᷊ussa iwabbansage; sal᷊akku al᷊imbuwutta maola'a pangantimanne.

YESAYA 34:15

Su tampa udde atoanna mawisa ma'ola'a sal᷊akke, mattallukka, mangngissa'a wuṛṛu uataṛṛapa manga anangnge. Asiaṛṛe maammulla mangke su parene.