YESAYA 59:4 - WUKE SUSI WATTI'U AL᷊AL᷊USASSA

⁴ I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YESAYA 59:4 Referans Kwoze

AYUB 15:35

Uddewe i mangitou apan makkiinnu al᷊al᷊eo wuṛṛu mappaamanne; awusu wawahia sidutu sulal᷊ummu naungnge.”

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

YEREMIA 7:8

Arawe, atonna tawe gunane i yamiu mangimanna su manga wisara awusu.

YEREMIA 7:4

Arie pangimanna su mamamahia apan mabbisara, ‘I ite mal᷊angnganna, ana waugu indi Wal᷊en Mawu. Atonna indi Wal᷊en Mawu!’

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

DARALO 62:4

Sara tingngera i yamiu sarangkanambone maapulu mamangalo sangkatou taumata apan erete darandunga uasoṛṛa wuṛṛu pale apan maraniten maṛṛa'a?

AYUB 15:31

Amungkangngu i tou mangimanna suapa tawe gunane, ne i tou niawusuante; ne lal᷊antakke apan sarun sengkamanne, tate gunane lai.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YESAYA 5:18

Nasilakate i yamiu apan tawe illol᷊one ma'ola'a rosa!

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

YESAYA 10:1

Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 26:18

I yami pia illoṛṛo wuṛṛu u'ambul᷊isaddu atataddu'a, arawe tawe nanungkangngu manga apa; i yami tawe nangonggollu asasal᷊amatta su runia, tawe lai nanamba tumanangnge.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 29:20

Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 33:11

Hol᷊agu mangke tawe gunane, wuṛṛu anambon inolaannu tawe gunane lai. Asasa'unu naal᷊ihidda putungnga mannoṛṛobba watangannu sassane.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YESAYA 59:15

Tate lai taumata apan tawe mamahia, wuṛṛu isai apan mangngindaun al᷊al᷊eo, i tou sassane maola'a sol᷊eng kal᷊al᷊eo.” Mawu buatte naasilo udde, wuṛṛu i Tou tawe mal᷊uassa manungku tate lai atatul᷊idda.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

DARALO 7:15

Pa'ellege, taumata lal᷊eo manggol᷊agu al᷊al᷊eone; i tou makkiinnu al᷊al᷊eo wuṛṛu na'ola'a wawahia.

DARALO 12:3

I mangitou sarangkanambone uawawahia, uawawahia ringannu manga wisara apan manenengnga.

WATTI'U MANGA RASUL 24:9

Manga taumatan Yahudi tinumantalongnga lai nangalaem Paulus wuṛṛu nangngimante al᷊awo'u wisara apan niwisaran Tertulus.