YESAYA 59:20 - WUKE SUSI WATTI'U AL᷊AL᷊USASSA

²⁰ Mawu nabbisara uman-Ne, “I Ya'u sarun dumanta su Yerusalem tadea'u manal᷊amatta si yamiu sarangkanambone apan nawal᷊u wuassu manga rosanu.

YESAYA 59:20 Referans Kwoze

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

AYUB 19:25

I ya'u masingkatta manungku su surga pia Mananambaa'u; panginsueanne i Tou sarun dumanta mangontolla si ya'u.

YESAYA 10:21

Lambene addio'a walahannu Israel sarun mawal᷊u su Ruata apan matohassa.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”