YESAYA 59:18 - WUKE SUSI WATTI'U AL᷊AL᷊USASSA

¹⁸ I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 59:18 Referans Kwoze

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YESAYA 63:6

Sulal᷊ummu asasa'u-U apan lukkenggamma, Ta'u niṛṛinda manga walahanna; Ta'u niṛṛadda'a i mangitou, wuṛṛu daṛṛa mangitou Ta'u niwoso su leta'a.”

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

LUKAS 21:22

Ana waugu manga allo udde ‘Eteudde Allon Ṛuumanna Iapaamatta’, tadea'u ringannu olangnge udde, apa apan uawoṛṛetta sulal᷊ummu Wuke Susi sarun matipussa.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YESAYA 63:3

“Sassane i Ya'u sutampa pamamakkannu anggore suwallattu uma-U taweddu nantul᷊ung-Ku. Manga walahanna mangke Ta'u niṛṛinda sulal᷊ummu asasa'u-U, naal᷊ihidda ere makkinda wuan anggore. Daṛṛa mangitou namiti'a naṛṛolo lau-U, naal᷊uhudda ahewallu lau-U.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

AYUB 34:11

I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

YEHEZKIEL 38:18

Mawu Apan Atanggaṛṛanne nabbisara, “Arawe tawe nal᷊annu napawe i Gog buatte namangalo Israel, i Ya'u sarun manndona.

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

TAHIUL᷊E 7:10

Arawe ringannu tawe humago'a i Tou makkuumanni mangitou apan maddantinni Tou.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

YESAYA 65:6

Ṛuumanni mangitou uawoṛṛette su saruang-Ku. Atonna, i Ya'u tawe matatana'a mal᷊annabba. I Ya'u buatte nabbal᷊issa al᷊al᷊eo mangitou

YESAYA 65:7

ana waugu rosa mangitou wuṛṛu rosa al᷊amona mangitou. I mangitou mallobbossa si Ya'u ringannu mannambunnu amania huna manga monganna su tampa pasasubbanna su wuidda. I Ya'u buatte nabbal᷊issa si mangitou uasul᷊ungngu inolaanni mangitou su allo nanangkal᷊iu.”

YESAYA 66:6

Paddaringikka! Pia tingikka ruddallu'a su soa; pia tingikka su Wal᷊e-U; eteudde tingi-U apan tantal᷊anna mabbal᷊issa seetta!

YEHEZKIEL 23:49

Ei Ohola wuṛṛu Oholiba, i Ya'u sarun makkuumanni raddua ana waugu iraddua sinumandaga wuṛṛu massubba paal᷊uanna. Ne iraddua naasingkatte manungku i Ya'u Mawu Apan Atanggaṛṛanne.”

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

TAHIUL᷊E 32:41

I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.