YESAYA 59:16 - WUKE SUSI WATTI'U AL᷊AL᷊USASSA

¹⁶ I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YESAYA 59:16 Referans Kwoze

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

DARALO 98:1

Daralo. Pangantariten aantari wakku su Mawu, ana waugu manga inolaan-Ne apan maatiangnga! Ringannu taṛṛino wuṛṛu atatohan-Ne sassane, i Tou naauntungke.

YESAYA 41:28

Sutempo i Ya'u maddea'a suwallattu manga monganna, tawe saran sambau apan wotongnge mangonggollu tatantiro, taweddu botongnge sumimbakka.

MARKUS 6:6

I Tou naherangnga i mangitou tawe mangngimanna. Wua'udde Mawu Yesus inaite su manga ampungnga maranine isudde, wuṛṛu mangngaṛṛa'a.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YESAYA 33:2

Oh Mawu, tal᷊antupa'awe i yami. Ete I'o apan pangantimanni yami. Lu'arewe i yami wuassu allo maddatingngu allo wuṛṛu sal᷊amatewe i yami sutempo masuṛṛipitta.

YESAYA 33:3

Napawe I'o dumarisikka wuṛṛu mapasabbangngu tingin-Nu apan maddallu'a, manga walahanna sarun tumal᷊angnga wuṛṛu massal᷊iawukka.

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

DARALO 94:16

Isai mangambanga si ya'u su saruannu taumata lal᷊eo? Isai apan manamba'a si ya'u su saruannu taumata inolaanne lal᷊eo?

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

YESAYA 53:1

Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.