YESAYA 59:15 - WUKE SUSI WATTI'U AL᷊AL᷊USASSA

¹⁵ Tate lai taumata apan tawe mamahia, wuṛṛu isai apan mangngindaun al᷊al᷊eo, i tou sassane maola'a sol᷊eng kal᷊al᷊eo.” Mawu buatte naasilo udde, wuṛṛu i Tou tawe mal᷊uassa manungku tate lai atatul᷊idda.

YESAYA 59:15 Referans Kwoze

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

WATTI'U MANGA RASUL 9:23

Napawe nal᷊iu manga pira allo al᷊annune manga taumatan Yahudi na'ire mamate si Saulus.

WATTI'U MANGA RASUL 9:1

Tantal᷊anna udde i Saulus sidutu mangke ma'apulu mammansaga wuṛṛu mamate manga mallal᷊aṛṛenggennu Mawu Yesus. I tou inaite ringannu imam bahewa,

2 KORINTUS 5:13

Amungkangngu i yami atonna aasiloanna nabbewate, udde ana waugu manara Ruata. Wuṛṛu amungkangngu i yami aasiloanna ṛingiṛṛanna masemakka udde ana waugu hunane si yamiu.

WATTI'U MANGA RASUL 26:24

Tantal᷊anna i Paulus massinaukka, i Festus niumui, “I'o nabewate Paulus! Apapandenu apan manambo udde naawewate si'o!”

MARKUS 3:21

Manga taumata udde nabbisara, “I Tou nabewate!” Wuṛṛu napawe manga tuṛṛang-Nge naaringikka olangnge udde, i mangitou nirumanta nangal᷊appa si Tou.

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.

YEREMIA 29:26

“Mawu buatte namile si'o maola'a imam mallol᷊ossa si Yoyada, wuṛṛu orassa indi ete i'o uaumbele manara apan atanggaṛṛanne su Wal᷊en Mawu. Manaranu eteudde mammarenta tadea'u suapan taumata wewa, apan mangnga'u watanganne nabi, imantungnga ringannu ṛate atta'a su ullekkane.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

DARALO 5:9

Oh Mawu, tumaniten manambo see'u! Ehettawe i ya'u tumuṛṛutta apulu-Nu, wuṛṛu patingiraawe lal᷊an-Nu apan sarun ta'u amatanna.

2 TAWARIKH 21:7

arawe Mawu maddiri mamate ratu papapulunni Daud ana waugu I tou buatte na'ire manungku papapulunni Daud sarun uatatana'a uaparenta.

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

YOHANES 8:52

See manga taumatan Yahudi udde nabbisara Mawu Yesus, “Orassa indi yami masingkatta I'o indi atonna-tonna niasuttannu setanna! I Abraham sassane natete, aroddi lai manga nabi. Arawe I'o mabbisara, ‘Taumata apan tuttuṛṛutta wisara-U, tawe mate saran mal᷊annu-l᷊annu.’

2 MARARATU 9:11

I Yehu nabelengke apia ringannu manga hawene, ana see i mangitou naiwal᷊o, “Pia batti'a apa? Taumata wewa udde na'ura ringannu?” “Ah, i yamiu masingkatte,” sasimbakki Yehu.

PANDARIADDI 38:10

Inolaanne udde naasa'u Mawu, wuṛṛu Mawu namate si tou lai.

YOHANES 10:20

Manambo taumata mabbisara, “I tou niasuttannu setanna! I tou wewa! Ipa'ura i yamiu madaringikka si Tou?”

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YESAYA 29:21

taumata apan apulune mangngal᷊uandaga, taumata apan tawe mapaṛṛuumannu taumata lal᷊eo, wuṛṛu taumata apan mannal᷊iawukku manga watti'a awusu tadea'u taumata mapia tawe maasomba atatul᷊idda.

YESAYA 32:7

Arawe sangkatou taṛṛa awusu maṛṛingidda wuṛṛu ma'ola'a al᷊al᷊eo. I tou maddea'a ṛingidda ipanilaka taumata asiangnga ringannu manga wisara awusu wuṛṛu mannal᷊awa'a si mangitou tadea'u tawe maasomba hakkane.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

AMOS 5:10

I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.

YESAYA 46:12

Paddaringikke si Ya'u, ei manga taumata mawunga, i yamiu apan massunna manungku auntunganna ta'e marau.

YESAYA 65:12

I yamiu sarangkanambone sarun mate maola'a sol᷊eng karaṛṛagissa. Ana waugu, sutempo i Ya'u mammaggo, i yamiu tawe sumimbakka, wuṛṛu sutempo i Ya'u mabbisara, i yamiu maddiri maddaringikka. I yamiu mappianne lumawangnga si Ya'u wuṛṛu ma'ola'a al᷊al᷊eo.

YESAYA 66:4

Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”

LAL᷊ALLU 3:36

ana waugu atatul᷊idda niwal᷊elongnga, Mawu sarun maasingkatta wuṛṛu uatantannudda.