YESAYA 59:13 - WUKE SUSI WATTI'U AL᷊AL᷊USASSA

¹³ I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 59:13 Referans Kwoze

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

MATIUS 10:33

Arawe isai-sai massinaada su saruannu awada'alla manungku i tou mallal᷊aṛṛenggeng-Ku, i Ya'u lai sarun massinaadi tou su saruannu Iamangku su surga.”

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

HOSEA 6:7

Arawe ere su Adam i yamiu tawe nanuungngu paairenu si Ya'u.

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 5:23

Arawe puan kamiu maattikka wuṛṛu apulune lumawangnga; i yamiu buatte sinumewadda i Ya'u tinantangkeng kamiu.

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YESAYA 32:6

Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 31:6

Mawu nabbisara, “Walahannu Israel, i yamiu buatte nilumawangnga si Ya'u wuṛṛu marosa su saruang-Ku. Arawe orassa indi, pabbelengke ringang-Ku!

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

DARALO 78:36

Arawe i mangitou namahia si Tou, manga wisaran mangitou awusu wara'a.

DARALO 18:21

Mawu nabbal᷊issa inolaangku apan naṛino; I Tou nangal᷊amatta si ya'u ana waugu i ya'u tawe sal᷊ane.

YOSUA 24:27

Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”

AYUB 31:28

Rosa ereudde ṛinone maasomba ṛuumanna pateanna; ana waugu Ruata Apan Lembontaṛṛino buatte nissinaadda.

YESAYA 10:1

Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

YEREMIA 12:8

Walahanna apan nipile-U lullawangnga si Ya'u; ere singa su mahurangnge etearoddi i mangitou mammaṛṛo si Ya'u. Ana waugu udde i Ya'u maddantinni mangitou.

AMOS 6:12

Wotongngewe awal᷊o tumal᷊angnga su wuiddu watu? Apa buatte taumata mammajeko tahal᷊oangnga ringannu sapi? Arawe i yamiu buatte namal᷊elongngu atatul᷊idda naola'a sukkatta apan naapate, wuṛṛu iapa naṛṛino maola'a nassal᷊a.

YEREMIA 2:16

Ei Israel, uta'u puanu nipol᷊on taumatan Memfis wuṛṛu Tahpanhes.

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.