YESAYA 58:8 - WUKE SUSI WATTI'U AL᷊AL᷊USASSA

⁸ Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

YESAYA 58:8 Referans Kwoze

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

YEREMIA 30:17

Salaiwe seennu mabbisara, ‘Sion buatte niramme, wuṛṛu tateddu lai manaile,’ arawe i yamiu sarun Ta'u olaanna sehatta apia, wuṛṛu manga lessanu sarun ta'u undamanna.”

DARALO 85:13

Mawu nangongolu apianne, ne leta'i ite sarun mangonggolu hessine.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

SASABANGNGA 14:19

Ana see mala'ekattu Ruata, apan su saruannu tantaran Israel, nangingkatta su liudde. Wuṛṛu nangingkatte lai pal᷊iaṛṛannu winabbawa na'oman sara naaddo,

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

AYUB 11:17

Pabbiaṛṛannu sarun maola'a massemaṛṛanna wuassu allattune, wuṛṛu manga tempo marandumma sulal᷊ummu pabbiaṛṛannu asasemmake ere marua allo.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

MATIUS 13:15

Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

YESAYA 26:2

Wu'ate manga ngaran soa, tadea'u sumutta walahanna apan satia, walahanna apan tuttuṛṛutta apulun Duatane.

YESAYA 33:24

Tawe saran sangkatou su wanuan kite apan sumal᷊iomanna ana waugu maradda'a, wuṛṛu anambon dosa sarun ampunganna.

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.

AMSAL 11:25

Taumata apan apulune mangngonggolla sarun mangillembo, taumata apan apulune mantul᷊ungnga sarun itul᷊ungnga lai.

YESAYA 60:2

Runia nioossu ararandumma, manga walahanna tataapannu ṛabbi wasa; arawe asasemakku Mawu sarun dumanta si'o, semakku daranta-Ne nilumiatta'a si'o.