YESAYA 58:7 - WUKE SUSI WATTI'U AL᷊AL᷊USASSA

⁷ Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YESAYA 58:7 Referans Kwoze

LUKAS 3:11

I Yohanes sinumimbakka, “Taumata apan laungnge darua ṛinone mangonggolu samparassa su taumata tawe laubba, wuṛṛu taumata pia anna, ṛinone mattahia su taumata tawe anna.”

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.

AMSAL 25:21

Amungkangngu seennu mal᷊unussa, i tou onggol᷊eten anna; amungkangngu i tou marou, painuma'e i tou.

YEHEZKIEL 18:16

ara'e mammaṛṛanga wuṛṛu mangngaṛṛo sisai-sai. Manga saranapa wataṛṛun taumata apan pia awallassa si tou sidutu iapawelenge. Taumata apan niamal᷊unusanna anggilanne anna wuṛṛu taumata apan tawe laubba anggilanne laubba.

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

WATTI'U MANGA RASUL 16:34

Wua'udde i tou nangapiddi Paulus wuṛṛu i Silas su wal᷊ene wuṛṛu itarua niapaante. I tou wuṛṛu lal᷊oṛṛon wal᷊ene mangke lulluassa ana waugu i mangitou orassa udde nangngimante Ruata.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

AYUB 22:7

Taumata apan masahadda i'o tawe napa'inumma, iapa mal᷊unussa tawe niwagoannu umanna.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

NEHEMIA 5:5

Wal᷊inewe i yami lai taumatan Yahudi? Wal᷊inewe ana'i yami nassul᷊ungngu manga ana'u Yahudi waine? Salaiwe aroddi i yami nipabbawata'a namalan manga ana'i yami naola'a allangnga. Ewe'e lai pia ana'a maṛṛualan kami apan buatte niwal᷊u'a maola'a allangnga. I yami tate maal᷊ore ana waugu wawail᷊anna wuṛṛu waillu anggori yami buatte nihadde.”

2 TAWARIKH 28:15

Ana see siri appata matatimmadde udde nabuatte wuṛṛu napaannu manga taumata niatawanna udde. I mangitou nattahia laubba wuassu saranapa apan buatte niaaṛṛo udde wuṛṛu nionggola su taumata apan mappandumma. I mangitou lai nattahia sapatu, anna wuṛṛu ua'e. Manga taumata niatawanna apan nal᷊essa niundamannu lanan zaitun. Ingana'a ete lome umamatta, niluranna su keledai, ana see anambon taumata niatawanna udde niapidde watukku Yerikho, soan manga punnu alu kurma, tadea'u wotongnge maapule watukku manga ampungngi mangitou su Yehuda. Wua'udde taumatan Israel napul᷊ete su Samaria.

PANDARIADDI 19:2

wuṛṛu nabbisara, “Manga Tuangnga, wette otonga'e asuene su wal᷊e'u. Manga Tuangnga wotongnge mangukkassa ledda wuṛṛu manaṛṛabbi su wal᷊e'u. Tiṛṛabbi wuṛṛu wotongnge, manga Tuangnga matimpu'o maruaallu atonna ana see manassukku amatanna.” Arawe itarua sinumimbakka, “Tarimakase, wala'e iambua manaṛṛabbi su leta'u mal᷊alangngu soa.”

WATTI'U MANGA RASUL 16:15

I Lidia wuṛṛu lal᷊oṛṛon bal᷊ene nisaṛṛanite. Napawe sueten saṛṛanine i tou nabal᷊o si yami. I tou nabbisara, “Amungkangngu manga tuṛṛangnga mammendamma i ya'u atonna-tonna suete nangngimanna Mawu Yesus, wette pangintal᷊ate su wal᷊e'u.” See i tou mammata'a tadea'u i yami tumuṛṛutta darorongngi tou.

PANDARIADDI 19:14

Ana see i Lot inaite naisasomban ruan katou tunangan anangnge, wuṛṛu nabbisara, “Paal᷊ihakke sumabangnga wuassu tampa indi, ana waugu Mawu sarun manoṛṛoba soa indi.” Arawe i mangitou massunna manungku i Lot tumba'u ual᷊al᷊akkangnga.

MAL᷊AṚṚUUNGNGA 9:2

“Iwal᷊oi'o su anambon tumana'u soan Sikhem, suapa mappianne: Paparentannu siri pitu pul᷊o ana'i Gideon, ara'e tumba'u sangkatou? Paasingkata'a si mangitou lai manungku i ya'u ta'e pia amputtu pusidda ringanni mangitou.”

TAHIUL᷊E 22:1

Amungkangngu sapi ara'e domba pussa'an sangkatou sambalahannu nial᷊iwune wuṛṛu i yamiu naasilo winatangnga udde, ariewe maielembaga, arawe apira'e winatangnga udde wuṛṛu welenga'e su tatahuanne.

AMSAL 24:11

Arie mapapaddua mamallossu taumata apan buatte niṛṛumanna pateanna; ambangewe taumata apan tantal᷊anna iaapidda su tampa panggahantonganna.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.