YESAYA 58:5 - WUKE SUSI WATTI'U AL᷊AL᷊USASSA

⁵ Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YESAYA 58:5 Referans Kwoze

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

LUKAS 4:19

wuṛṛu mamasingkattu orassu daranta Mawu manal᷊amatta pabbawala-Ge.”

DARALO 69:13

I ya'u nabbal᷊i ipaal᷊umeme su tampa taumata uaammula, wuṛṛu antarin manga taṛṛa wu'anna su ola'u riri'u.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

IMAMATTA 16:29

Manga atoranna indi ṛinone ipaatta saran mal᷊annu-l᷊annu. Su allo appul᷊one wul᷊anna appitune, taumatan Israel wuṛṛu taumata raho apan uatana'a su wallatti mangitou ṛinone mappuasa wuṛṛu imbaṛṛangnga mammanara, ana waugu allo indi allo apan lembon susi. Su allo udde ṛinone olaanna lal᷊aghu ipamaresi walahannu Israel wuassu al᷊awo'u rosan mangitou tadea'u i mangitou mawaresi.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

ESTER 4:3

See lai su al᷊awo'u propinsi, manga taumatan Yahudi nilumallu napawe parentan datu udde nial᷊iata. I mangitou ual᷊uṛṛen laubba karongnga wuṛṛu ual᷊allowangnga su awu.

EZRA 10:6

Napawe i mangitou nassalu, Ezra nanantangken saruannu Wal᷊en Mawu wuṛṛu sinumutta su tampa tatanaanni Yohanan ana'i Elyasib wuṛṛu nanaṛṛabbi isudde. I tou maddiri umanna ara'e ma'inumma ana waugu massusa maṛṛingiddu inolaannu manga taumata niwuangnga udde.

2 MARARATU 6:30

Naaringikka udde, ratu nanggesa'a laungnge ana waugu nasusa. Manga taumata apan uarisikka maranin darandunga udde naasilo manungku laubbu lal᷊umme niola'a wuassu karongnga.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.