YESAYA 58:14 - WUKE SUSI WATTI'U AL᷊AL᷊USASSA

¹⁴ Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YESAYA 58:14 Referans Kwoze

TAHIUL᷊E 32:13

I Tou na'ola'a si mangitou uataṛṛino manga wowone; i mangitou u'anna hessin manga wawail᷊anna wuṛṛu ma'inumma pul᷊an ahuranganna wuassu wuiddu watu. I mangitou naasomba lana wuassu punnu alun zaitun apan tinumuwo su leta'a wabbatuanna.

AYUB 22:26

Ne i'o sidutu wotongnge mangimanna Ruata, wuṛṛu maasingkatta manungku i Tou punnu lal᷊umannangngu.

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

AYUB 27:10

Ṛinone i tou ṛumintulun lal᷊umanna'a wuassu Ruata, wuṛṛu umal᷊iomanna si Tou ringannu tawe illol᷊one.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

DARALO 136:21

Wanuan mangitou tinantillu Mawu su al᷊aṛṛanang-Nge; darangngu-Ne tawe panguddusanne;

DARALO 135:12

Ana see i Tou nanantillu wanuan mangitou maola'a pussa'an Israel al᷊aṛṛanang-Nge.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

AYUB 34:9

I tou nabbisara, manungku tawe gunane amungkangngu i tou ta'e mattinsahadda mallaghun apulun Duata.

YESAYA 34:16

Paddea'e wuṛṛu pabbasate sulal᷊ummu Buken Mawu: Tawe saran sambau wuassu anambon riaddianna udde mawul᷊i ara'e tawe parene. Ana waugu etearoddi parentan Mawu, wuṛṛu ete i Tou sassane apan buatte nangammulli mangitou.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YEHEZKIEL 36:2

‘Sutempo manga walahanna su al᷊indongannu namangalo wuṛṛu nangaṛṛo si yamiu, i mangitou buatte nallobbossa ahewallu Israel. Ringannu lulluassa i mangitou mabbisara manungku orassa indi manga wuiddu al᷊amona udde nabbal᷊ite pussa'a mangitou. Ana waugu udde ei manga wowone wuṛṛu manga wuidda, manga sungene wuṛṛu wawal᷊anne, ei manga soa apan naola'e winalal᷊anna wuṛṛu apan buatte nitantangngu manga mamanuane see nipangaṛṛoanna wuṛṛu nial᷊uandahannu manga walahanna al᷊indonganne, paddaringikke wisara Mawu Apan Atanggaṛṛanne si yamiu: Sulal᷊ummu sasopan asasa'u-U i Ya'u mammasagu manga walahanna su al᷊indongannu wuṛṛu lembonete Edom, ana waugu i mangitou ringannu mal᷊uassa wuṛṛu mallobbossa, buatte nanganu leta-U wuṛṛu nangaṛṛo manga wadda'u nannal᷊one. Orassa indi i Ya'u massa'u wuṛṛu mandona ana waugu walahanna udde tumaniten manggelo see nangaddio'a si yamiu.