YESAYA 58:12 - WUKE SUSI WATTI'U AL᷊AL᷊USASSA

¹² Soa apan mal᷊annute naola'a winalal᷊anna sarun iapararisikki yamiu apia su rapappake tabbe. I yamiu sarun isaggo ‘Walahanna apan napararisikku apia manga tanda'a batu wuṛṛu nanaṛṛupia manga wal᷊en apan nangkahohakka.’ ”

YESAYA 58:12 Referans Kwoze

YESAYA 61:4

I mangitou sarun mapararisikku manga soa apan mal᷊annute nahohakka wuṛṛu manul᷊e manga tampa apan mal᷊annute mal᷊annabba.

YEHEZKIEL 36:33

Mawu Apan Atanggaṛṛanne nabbisara, “Napawe i yamiu Ta'u niwaresi wuassu al᷊awo'u rosanu, i yamiu sarun Ta'u iwala matana'a su manga soanu apia, wuṛṛu mapararisikku apia manga winalal᷊anne.

NEHEMIA 2:17

Arawe wua'udde i ya'u nabbisara si mangitou, “Pa'ellege pabbiaṛṛanni ite apan susa indi! Yerusalem ete nallambe winal᷊alanna wuṛṛu manga ngarane wahewalla nasue niepoddu putungnga. Wette i ite mapararisikku apia manga darandungngu soa Yerusalem tadea'u i ite tate lai lobbosanna.”

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

YEREMIA 31:38

Mawu nabbisara, “Sarun a'omanna tempone ahewallu Yerusalem iapararisikka apia maola'a soa-U, wuassu Menara Hananeel maddatingngu Ngara Pasallanganna Pi'une.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

NEHEMIA 6:1

Sanbalat, Tobia, Gesyem wuṛṛu manga seetti yami apan waine naaringikka manungku i yami nuddusse nangapia darandungnga, wuṛṛu manungku anambon loṛṛangnge buatte nisappinganna, salaiwe sutempo udde i yami taambe nangelen pappallu ngara su manga ngara wahewallu soa.

NEHEMIA 2:5

ana see i ya'u nabbisara su ratu, “Amungkangngu Tuangnga mal᷊uassa wuṛṛu mangutungngu darorongngu allangnga, diloṛṛa'e allangnga watukku leta'u Yehuda tadea'u mapararisikku apia soa tampa lal᷊abbingannu al᷊amonan allangnga.”

AYUB 3:14

ere manga ratu wuṛṛu tembonanne sutempon tiwatta, apan napararisikku apia wal᷊en araratuanna sutempon dorone.

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

YEHEZKIEL 13:5

I mangitou tawe nandiaga manga tampa suapa manga darandungnge naṛṛa'a, wuṛṛu lai tawe nangapia manga tatanda'a udde. Nariaddi, Israel tawe iatahekka amungkangngu papangalo mariaddite su allo i Ya'u, Mawu rumanta makkuumanna.

MIKHA 7:11

Ei Yerusalem! Nia'omante tempone i yamiu mabbangunna apia manga darandungngu soanu. Su allo udde wageangngu letangngu sarun atambanna ahewalle.