YESAYA 58:11 - WUKE SUSI WATTI'U AL᷊AL᷊USASSA

¹¹ I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YESAYA 58:11 Referans Kwoze

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

DARALO 25:9

Mawu nangehetta taumata apan naungnge mawawo, wuṛṛu nangaṛṛa'u apulu-Ne si mangitou.

ANTARI MAWANTUGA 4:15

Al᷊imatan kua'e su wawail᷊angku mappasabbangngu ua'en pabbiaṛṛanna apan mangngelekka wuassu Libanon!

AMSAL 11:25

Taumata apan apulune mangngonggolla sarun mangillembo, taumata apan apulune mantul᷊ungnga sarun itul᷊ungnga lai.

AMSAL 3:8

Inolaannu udde sarun maola'a ere undamma si'o apan maapia waddangngu wuṛṛu mallimbakku lal᷊ummu naungngu.

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.

DARALO 92:14

I mangitou naal᷊ihidda punnu alu apan nisuanna su Wal᷊en Mawu, wuṛṛu sinumindumunna su Wal᷊en Ruatan kite,

HOSEA 13:5

Su leta'a maṛṛasa su wadda'a mamara, ete i Ya'u apan nallu'adda si yamiu.

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

AMSAL 28:25

Maṛṛingiddu watanganne sassane mandantan patatiakka; i'o ma'untunganna amungkangngu mangngimanna Mawu.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

DARALO 37:19

Sutempon asasusa i mangitou tawe mataṛṛangnga, sutempon ṛutumma i mangitou sidutu nasuungnga.

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

DARALO 107:9

Ana waugu i Tou napa'inummu taumata apan marou, wuṛṛu nangonggola su taumata apan mal᷊unussu al᷊awo'a apan mapia.

AYUB 5:20

Napawe ṛutumma rumantate, i'o tawe mate amal᷊unusanna. Napawe pangalo mandasakka maata'utta, i'o mal᷊iu wuassu papate.

1 TESALONIKA 3:11

Antimanna Ruata Iamangngi ite sassane, wuṛṛu Mawun kite Yesus Kristus manul᷊idda lal᷊anni yami ipadumatingngi yamiu!

YESAYA 61:11

Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

AMSAL 13:4

Iapa malassa apulune manambo arawe saran sambau tawe naompaanne; taumata apan mammanara maṛṛimadda maasomba sarangkanambone apan ipaapulune.

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

TAHIUL᷊E 15:4

Mawu Ruatanu sarun mangal᷊amatta si yamiu su wanua apan nionggoli Tou si yamiu. Ne suwallatu walahannu tawe taumata asiangnga,

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

YESAYA 44:4

I mangitou sarun tumuwo masuwukka ere wal᷊abbukka maranin kua'e, naal᷊ihidda punnu alu gandarusa su wiwikku sal᷊ukka.