YESAYA 57:5 - WUKE SUSI WATTI'U AL᷊AL᷊USASSA

⁵ I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.

YESAYA 57:5 Referans Kwoze

YEHEZKIEL 16:20

Wua'udde i'o nangonggollu al᷊aṛṛana'i ite, esakka wuṛṛu wawine, maola'a sasamba su manga paal᷊uanna. Taambe lai natimu manungku i'o tawe satia si Ya'u?

YESAYA 1:29

I mangitou sarun masili ana waugu massubba manga aaluanna wuṛṛu naṛṛaen manga wailla ionggolla su manga monganna.

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

2 MARARATU 23:10

Tofet, eteudde tampa passubbanna monganna su Wawal᷊annu Hinom, nisaparanna. Ringannu aroddi tate taumata lai apan botongnge mangonggolu anangnge maola'a sasamba itattambuna si Monganna Molokh.

IMAMATTA 18:21

Imbaṛṛangnga manantillu wuassu sangkatou anangngu olaanna sasamba ipassubba si Molokh, ana waugu pallal᷊aghu udde mallobbossa arannu Ruata, Mawunu.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”

YEHEZKIEL 20:31

Ewe'e naddatingngu orassa indi lai i yamiu mandantinnu watangannu ringannu nangapiddu sasamba wuṛṛu nanambunnu manga anangngu maola'a sasamba su manga paal᷊uanna. Ana see ta'e lai waṛṛani i yamiu maddorongnga tatantiro wuassia-U? Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu tawe Ta'u iwala madorongnga tatantiro wuassia-Ku.

YEHEZKIEL 20:26

Ta'u niwala i mangitou nanggal᷊usaa'a watanganne ringannu manga sasamba mangitou sassane, ewe'e lai manga ana'a esakka pahul᷊u niola'i mangitou sasamba. Ringannu olangnge udde i Ya'u makkuumanni mangitou tadea'u i mangitou maasingkatta manungku ete i Ya'u Mawu.

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

YEREMIA 51:7

Babel dorone ere halasi wul᷊awanna apan Ta'u aagassanna wuṛṛu na'ola'a ahewallu runia wu'anna. Manga walahanna ma'inumma anggore wuassu halasi udde, na'oman sara i mangitou nabbewa.

YEREMIA 50:38

Paamara'e al᷊awo'u sal᷊ukka wuṛṛu wawail᷊anne! Ana waugu, Babel napenen pasasubba paal᷊uanna apan maarantinna, apan naaolala ingana'a maddaralone nabbewa.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

2 TAWARIKH 28:3

ana see nanambunnu amania su Wawal᷊annu Hinom. Ewe'e lai anangnge esakka sassane nionggola maola'a sasamba su monganna, tumuṛṛuttu anaramma lal᷊eo wuassu manga taumata apan buatte nilimbuaṛannu Mawu wuassu wanua Kanaan sutempo taumatan Israel sinumutta su wanua udde.

2 MARARATU 17:10

Su wowon al᷊awo'u wuidda, wuṛṛu su al᷊ungngu aaluanna, i mangitou napararisikku manga pale wuṛṛu paal᷊uannu monganni Asyera.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

TAHIUL᷊E 12:2

Napawe nasuttate su wanua udde i yamiu ṛinone manggohakku manga tampa passubbanna su puiddu manga wowone matanggakka, su manga wuidda wuṛṛu su al᷊ungngu manga aaluanna masindumunna, tampan manga walahanna apan uatana'a isudde massubba manga monganni mangitou.

REENGANNA 25:6

Su tempo i Musa wuṛṛu anambon taumata tantal᷊anna lulluai su ngaran Dasannu Mawu, i mangitou naasilo sangkatou Israel uaapiddu sangkatou wawinen Midian sinumutta sulal᷊ummu rasanne.

SASABANGNGA 32:6

Tiṛṛabbine marua' allo maṛṛanggapa, manga taumatan Israel nangapiddu manga pira winatangnga olaanna sasamba itattambunna, wuṛṛu manga pira lai olaanna sasamban paddarame. I mangitou niuma'ianna u'anna wuṛṛu ma'inumma, ana see nabbuatta ana waugu lulluassa.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

2 MARARATU 17:7

Samaria narugi ana waugu taumatan Israel na'ola'a rosa su Mawu, Ruatan mangitou, apan buatte nanal᷊amatta si mangitou wuassu ratun Mesir, wuṛṛu nangapiddi mangitou sinumabbanga wuassu wanua udde. I mangitou massubba manga mawu waine