YESAYA 57:4 - WUKE SUSI WATTI'U AL᷊AL᷊USASSA

⁴ Isaite apan ilaggen kamiu? Isaite apan aal᷊uandahanni yamiu? Wal᷊inewe i yamiu pallaṛṛiten taṛṛa awusu wuṛṛu mal᷊awangnga?

YESAYA 57:4 Referans Kwoze

2 PETRUS 2:13

Maola'a wawal᷊issu asasusa apan suete niola'i mangitou, i mangitou sarun matataṛṛanga susa. Inolaanna apan maal᷊uassa naungngi mangitou eteudde ma'ola'a al᷊awo'u inolaanna su allo allattune maddea'a mapaawusan apulun wadangi mangitou. Amungkangu i mangitou uaianna su sambau ringanni yamiu sulal᷊ummu andeangngu anna, pallal᷊agu mangitou maarantinna ana waugu i mangitou niwu'annu apulu naungngi mangitou.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

DARALO 35:21

I mangitou mangngintul᷊i si ya'u wuṛṛu mabbisara manungku i mangitou naasilote inolaangku.

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

KOLOSE 3:6

Manga inolaanna ereudde mapaal᷊atton wontogu Ruata su manga taumata apan mal᷊awangnga.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

MATIUS 27:29

I mangitou na'ola'a sambau araposa mararatu wuassu manga rannang kalu ṛoaanna wuṛṛu niluṛṛe su pua Mawu Yesus. Wua'udde i mangitou nangagillu ta'inna su lima aikkatan-Ne, see inumal᷊intuda su saruan-Ne wuṛṛu mangngal᷊uandaga si Tou. “Tabea ratun taumatan Yahudi!” unni mangitou.

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

HOSEA 10:9

Mawu nabbisara, “Ro'en arariaddianna su Gibea, taumatan Israel taambe lai nangillol᷊o ma'ola'a rosa lullawangnga si Ya'u. Ana waugu udde su Gibea lai i mangitou saru aṛṛiaannu pangalo.

YEHEZKIEL 2:4

I mangitou puane maatikka wuṛṛu tawe mangadatta si Ya'u. I'o Ta'u irolokka inai ringanni mangitou iapapasingkatta apa apan i Ya'u, Mawu Apan Atanggaṛṛane mabbisara si mangitou,

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

DARALO 69:12

I ya'u nalluṛṛen nasa karongnga tatialan lullal᷊o, arawe i mangitou mammasendekka si ya'u.

DARALO 22:17

I ya'u nipangaloannu ammul᷊annu taumata lal᷊eo; naal᷊ihidda ammul᷊annu asu i mangitou nakkulunna si ya'u, nangusu'a lima wuṛṛu ledda'u.

DARALO 22:13

Naal᷊ihidda ammul᷊annu bantenga, seetta uaṛṛimpulunna si ya'u, naal᷊ihidda bantenga matengnga wuassu Basan i mangitou namangalo si ya'u.

DARALO 22:7

Arawe i ya'u indi lal᷊uati, wal᷊ine taumata, aal᷊uandahanna wuṛṛu lallobosannu awadaalla.

YOSUA 10:21

Wua'udde anambon tantaran Yosua nebelengke ringannu sal᷊amatta ringanni Yosua su paddasannannu Makeda. Tawe saran sangkatou su wanua udde waṛṛani mabbisara manal᷊are taumatan Israel.

REENGANNA 16:11

Amungkangngu i'o wuṛṛu manga mallal᷊aṛṛenggenu sumamboṛṛe su saruanni Harun, mangke atonna i yamiu lullawangnga Mawu!”

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YESAYA 57:5

I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

YEREMIA 20:8

Suapan i ya'u mabbisara, i ya'u ṛinone mangintul᷊i ma'ikka-ikkatta, “Araṛṛagissa! Asasilaka!” Mawu, i ya'u haggeloanna wuṛṛu lallobbosanna suapan tempo, ana waugu mammasingkattu tanata-Nu.