YESAYA 57:18 - WUKE SUSI WATTI'U AL᷊AL᷊USASSA

¹⁸ I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 57:18 Referans Kwoze

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

MANNANASE 9:4

Arawe su al᷊o'engngu pabbiaṛṛanna ita'an sumbu, su al᷊annune udde pia antimma. Wal᷊inewe asu lembon mabbiakka su lal᷊umanna'a wuassu singa apan tawe niawane?

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

DARALO 23:2

I Tou napal᷊allowangku su wadda'u nannal᷊o apan ma'elomma. I Tou nagehetta si ya'u watukku ua'e apan matilangnga.

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

LUKAS 15:20

Ne i tou inaite napul᷊e ringannu iamangnge. Ta'e marau wuassu wal᷊e, i tou niasiloanten iamangnge. Ringannu aakkanna iamangnge tinumal᷊angnga naisasomban tou, see naṛṛa'uppa wuṛṛu nangari'a si tou.

DARALO 94:19

Napawe naungku matta'utta wuṛṛu sussinggawanga, I'o nallimbatta si ya'u wuṛṛu nalluassa si ya'u.

YESAYA 19:22

Mawu sarun manggesekka walahannu Mesir, arawe wua'udde i Tou sarun mangundamma si mangitou. I mangitou sarun mabbal᷊i'a mabelengnga ringannu Mawu, wuṛṛu i Tou sarun maddaringikka aal᷊iomanni mangitou lapiddu mangonggollu aul᷊en baddangnga.

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

ZAKARIA 1:13

Mawu sinumimbakka mala'ekatta udde ringannu manga wisara ipalluassa,

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YEREMIA 30:17

Salaiwe seennu mabbisara, ‘Sion buatte niramme, wuṛṛu tateddu lai manaile,’ arawe i yamiu sarun Ta'u olaanna sehatta apia, wuṛṛu manga lessanu sarun ta'u undamanna.”