YESAYA 57:16 - WUKE SUSI WATTI'U AL᷊AL᷊USASSA

¹⁶ Tawe sarangkal᷊o'enge i Ya'u mapasal᷊an uma-U; tawe saran mal᷊annu-l᷊annu i Ya'u massa'u, tadea'u i mangitou tawe mapaddi apulu naungnge, sumbal᷊i ete i Ya'u apan mabbiakka si mangitou.

YESAYA 57:16 Referans Kwoze

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

DARALO 85:5

Pawelenga'awe i yami, oh Ruata mananal᷊amatti yami, ariete masa'u apia si yami.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.

YEREMIA 10:24

Puulle i yami oh Mawu, ariewe ringannu papuulla apan tumaniten maataddu'a. Ariewe lai makkuumanni yami napawe I'o nasa'ute, ana waugu i yami sarun mate abbi.

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

YEREMIA 38:16

Ratu Zedekia ringannu mal᷊anna-l᷊annabba naddiandi si ya'u, wisaran, “Ringannu arannu Ruata apan biakka, Ruata apan mangngonggollu wiakka si ite, i ya'u massalu manungku i ya'u tawe mamate si'o ara'e manantillu su manga taumata apan mappulu mamate si'o.”

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

PANDARIADDI 6:3

Ne Mawu nabbisarate, “I ya'u tawe mamalan taumata mabbiakka saran mal᷊annu-l᷊annu; i mangitou arariadianna apan mattate. Manattakka orassa indi uukki mangitou tawe manampal᷊iu wuassu 120 su tonnane.”

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

YEREMIA 3:5

I'o nabbisara lai manungku i Ya'u tawe sidutu massa'u si'o. Eteudde apan niwisaranu, ei Israel, arawe tantal᷊anna udde i'o ma'ola'a al᷊awo'u al᷊al᷊eo apan botongnge olaannu.”

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

2 SAMUEL 24:16

Mala'ekattu Mawu apan uaapiddu papate na'omate su tampa pakkindanna gandumma tatahuananni Arauna, taumatan Yebus. Sutempo Mawu naasilo manungku mala'ekatta udde nasaddiate manginsue Yerusalem, Mawu namal᷊u laṛṛawen-Ne, ne mala'ekatta udde naddote nakkuumannu walahanna udde. Wisara-Ne su mala'ekatta udde, “Wotongngete! Addote!”

AYUB 12:10

I Tou mangngatokku wiakku al᷊awo'u riaddianna su runia; I Tou uataṛṛino niawan anambon taumata.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.