YESAYA 57:13 - WUKE SUSI WATTI'U AL᷊AL᷊USASSA

¹³ Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”

YESAYA 57:13 Referans Kwoze

DARALO 37:9

Ana waugu taumata apan ma'ola'a al᷊al᷊eo, sarun ṛaddaanna, arawe isai uaantimma Mawu sarun manahuanna leta'a udde.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

YESAYA 65:25

Serigala wuṛṛu ana'u domba su sampunna u'anna nannal᷊o; singa u'anna laṛṛami ere lai sapi, wuṛṛu atoanna tate lai maasilaka. Su ahewallu wui-U apan na'ukkassa, taweddu lai apan mallinga ara'e ma'ola'a al᷊al᷊eo.”

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

DARALO 125:1

Aantarin patatembo. Taumata apan mangngimanna Mawu, uddewe naal᷊ihidda Wuiddu Sion apan matohassa tawe umio'a, wuṛṛu mattaṛṛangnga saran mal᷊annu-l᷊annu.

MAL᷊AṚṚUUNGNGA 10:14

Roote ringannu manga monganna apan nipilen kamiu udde. Sassal᷊andete si mangitou! Walate i mangitou mantul᷊ungnga su tempo i yamiu sulal᷊ummu asasusa.”

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

YEREMIA 22:22

Ana waugu udde, manga piaṛṛangngu sarun mawul᷊i tiupannu anginna. Manga hawenu sarun ṛootanna maola'a tawananna, wuṛṛu soanu heloanna wuṛṛu pansilianna ana waugu anambon al᷊al᷊eonu.

YEREMIA 22:20

Mawu nabbisara, “Ei tumana'u Yerusalem, roote watukku Libanon wuṛṛu watukku Basan, wuṛṛu pangintul᷊ite poiaroddi. Pangikkuitte su panenteannu Moab, ana waugu anambon hawenu buatte niawaddo.

YESAYA 65:11

Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

YESAYA 40:24

I mangitou udde naal᷊ihidda sinuananna wakku apan wakkute tuttuwo ṛamunne. Napawe Mawu maniuppu anginna, i mangitou maṛṛangu wuṛṛu nitallange ere laṛṛami.

AMSAL 28:25

Maṛṛingiddu watanganne sassane mandantan patatiakka; i'o ma'untunganna amungkangngu mangngimanna Mawu.

DARALO 84:12

Ana waugu Mawu Ruata mallal᷊u'addi ite wuṛṛu ratu apan mawantuga, apan nangonggolla si ite darangngu wuṛṛu aaddatta. I Tou manol᷊a'u sarangkanambone apan mapia su saruannu taumata apan wiakke tawe angngone.

DARALO 58:9

Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

DARALO 118:8

Mappianne uatillumma su Mawu, sul᷊ungnge'e mangasakku taumata.

YESAYA 14:32

Sasimbakka apa apan sarun isimbakki ite su manga daroloṛṛanna apan rumanta wuassu walahannu Filistin? I ite sarun sumimbakka si mangitou manungku Mawu buatte namangunna Sion, wuṛṛu uman-Ne apan uatataṛṛangnga sarun maasomba aontolla isudde.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

DARALO 37:29

Taumata susi sarun manahuanna leta'a udde, wuṛṛu mamanua isudde saran mal᷊annu-l᷊annu.

DARALO 37:34

Pangantimpe su Mawu wuṛṛu paatuṛṛutte parenta-Ne, ne i Tou mamatunna si'o iapatahuanna leta'a udde; i'o sarun maasilo taumata lal᷊eo ṛaddaanna.

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!