YESAYA 56:3 - WUKE SUSI WATTI'U AL᷊AL᷊USASSA

³ Taumata raho apan na'ammullu umattu Mawu tawe wotongnge mabbisara, “Mawu tawe namala'u massubba si Tou suaddio'a ringannu uman-Ne.” Taumata apan niwutu tawe wotongnge maṛṛingidda “I ya'u masahadda maola'a reengannu umat-Tu Mawu, ana waugu i ya'u tate maasomba papapulunna.”

YESAYA 56:3 Referans Kwoze

1 KORINTUS 6:17

Arawe taumata apan napaa'aukku watanganne ringannu Mawu, Ghaṛṛahon Mawu wuṛṛu Ghaṛṛahon taumata udde naola'e sambau.

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

WATTI'U MANGA RASUL 17:4

Manga pira taumata mangngimanna see tinumantalongnga si Paulus wuṛṛu si Silas; aroddi lai anambon taumatan Yunani apan matta'uttu Ruata wuṛṛu manambo lai manga wawine piaṛṛangnge.

WATTI'U MANGA RASUL 10:34

See i Petrus nabbisara, “Orassa indi ya'u atonna-tonna naapendampe manungku inolaannu Ruata su anambon taumata udde nassul᷊ungnga.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.

YESAYA 56:5

ne arannu sarun naunganna sulal᷊ummu Wal᷊e-U wuṛṛu suwallattu pabbawala-U. Udde mappianne wuassu uatahuanna manga ana'a esakka wuṛṛu wawine. I yamiu Ta'u onggol᷊annu aranna tawe auddusanne apan tawe abbul᷊iananna.”

YESAYA 39:7

Wuassu ana'a pulunnu piaddu sarun iapidda wuṛṛu olaanna mammamanaran wal᷊en araratuanna mangngimbe ratun Babel.’ ”

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 18:4

I mangitou ṛinone mammanara suadio'a ringanni yamiu wuṛṛu ma'ola'a manga manara apan pia gunane lai su al᷊awo'u pangangimbe sulal᷊ummu Rasang-Ku, arawe isai apan tawe nionggol᷊annu manara udde, imbaṛṛangnga mammanara suadio'a ringanni yamiu.

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

WATTI'U MANGA RASUL 18:7

See i Paulus nanantangke mangitou wuṛṛu inaite natana'a su wal᷊e su samba'a wal᷊em pattataṛṛamawuanna udde. Wal᷊e udde wal᷊en sangkatou apan wal᷊ine Yahudi, arawe i tou massubba Ruata. Arannu taumata udde i Titius Yustus.

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.

IMAMATTA 21:20

ual᷊udungnga ara'e panda'a, pia raddangnge mata ara'e radda'a su pisi wuṛṛu apan niwutu.

2 TAWARIKH 6:32

Amungkangu sangkatou raho su wanua apan marau naaringikka awawantuga wuṛṛu atatohan-Nu, wuṛṛu manungku I'o sidutu uasaddia mantul᷊ungnga, ana see i tou rumanta su Wal᷊en-Nu indi umal᷊iomanna Si'o,

YESAYA 56:6

Mawu nabbisara su manga taumata raho iapa nasuttate reengannu umattu Mawu, apan mandangngu Mawu wuṛṛu mattaṛṛamawu si Tou apan mangngaddatta allon Sabatta wuṛṛu matuṛṛutta su pa'aire-Ne,

IMAMATTA 25:45

I yamiu lai wotongnge mamalli manga ana'u taumata raho apan uatana'a ringanni yamiu. Manga ana'u taumata raho apan niasungkangnga su wanuanu wotongnge i yamiu maola'a tatahuanne

TAHIUL᷊E 23:9

“Su tempo i yamiu tantal᷊anna uapapangalo, i yamiu ṛinone mallinda'u al᷊awo'a apan ma'alal᷊eo si yamiu.

ESTER 9:27

pangillul᷊eanne i mangitou na'ola'a sambau atoranna su watanganni mangitou sassane, su papapulunnu mangitou wuṛṛu su anambon taumata apan sarun maola'a reengannu walahannu Yahudi. Tumuṛṛuttu atoranna udde suapan tonna i mangitou ṛinone mallaghun allo darua apan buatte nitantunni Mordekhai.