YESAYA 56:10 - WUKE SUSI WATTI'U AL᷊AL᷊USASSA

¹⁰ Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

YESAYA 56:10 Referans Kwoze

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

NAHUM 3:18

Ei ratun wanua Asyur! Manga gubernurenu natete, wuṛṛu manga bupatinu niamatiil᷊ante saran mal᷊annu-l᷊annu. Tumanangngu nassal᷊iawukke su panenteanna, wuṛṛu tawe saran sangkatou apan mapangapiddi mangitou mapul᷊e apia.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YEHEZKIEL 13:16

ei manga nabi awusu! I yamiu manni'atta manungku Yerusalem mal᷊angnganna wuṛṛu naatokke, sumbal᷊i atonna-tonna tawe!” Etearoddi wisara Mawu Apan Atanggaṛṛanne.

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.

YESAYA 29:9

Asala'e tuttiangnga wuṛṛu manutubbu mata ere taumata wuta! Pattingkaola'e wu'anna, arawe wal᷊ine ana waugu na'inumma anggore. A'amatte lullallengge, arawe wal᷊ine ana waugu na'inumma tuba.

LAL᷊ALLU 4:14

Naal᷊ihidda taumata wuta mammal᷊intaddu manga lal᷊anna etearoddi lai manga piaṛṛa'u soa Yerusalem. Laubbi mangitou nallal᷊uhurannu daṛṛa na'oman sara taweddu mapulu mangeṛṛetta si mangitou.

2 MARARATU 12:6

Na'oman sara tonna aruam pul᷊o tallune i Yoas uaparenta, manga imam taambe nanul᷊en saranapa apan nahohakka su Wal᷊en Mawu.