YESAYA 55:6 - WUKE SUSI WATTI'U AL᷊AL᷊USASSA

⁶ Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YESAYA 55:6 Referans Kwoze

DARALO 145:18

I Tou maranin taumata apan sussal᷊ande si Tou, wuṛṛu maddorongnga si Tou ringannu naungnga waresi.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

DARALO 32:6

Ana waugu udde suapan taumata susi ṛinone umal᷊iomanna sutempo mamendamma asasusa, na'oman sara amungkangngu manawangngu asasusa rumanta, i tou tawe aeleṛṛanne.

DARALO 14:2

Wuassu surga Mawu ual᷊ellega umattu taumata maddea'a taumata pande wuṛṛu massubba si Tou.

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

AYUB 8:5

Arawe amungkangngu tumba'u si Tou i'o uasirungnga, maddorongnga aakkanna wuṛṛu sumal᷊ande aampungnga,

TAHIUL᷊E 4:7

Walahanna wahewalla suapa apan pia monganne aroddi aranine amungkangngu pappandumanna ere Mawu Ruatan kite maranin kite? I Tou sinumimbakka suapan tempo i ite sumal᷊ande maiontolla si Tou.

DARALO 95:7

Ana waugu ete i Tou Ruatan kite, i ite al᷊aṛṛana'a apan papadul᷊ianan-Ne, naal᷊ihidda domba lal᷊u'aran-Ne. Su allo indi paddaringikke ṛenggetan-Ne:

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YOHANES 8:21

Mawu Yesus nabbisara apia si mangitou, “I Ya'u inaite, wuṛṛu i yamiu sarun maddea'a si Ya'u, arawe i yamiu sarun mate sulal᷊ummu rosanu. Su tampa Ta'u rantanna, i yamiu tawe maaranta.”

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!

YEHEZKIEL 8:6

Ruata nabbisara si ya'u, “Ei taumata apan mattate, i'o maasilo apa apan tantal᷊anna nariaddi? Panutukke manga inolaanna apan maarantinna apan niola'u taumatan Israel, apan mapaarau-U wuassu Wal᷊e-U! Wette, sarun Ta'u ita'e si'o manga inolaanna apan lembon maarantinna lai.”

2 TAWARIKH 19:3

Salaiwe aroddi piaddu lai apapia si Tuangnga. i Tuangnga buatte nandammen anambon paal᷊uannu Monganni Asyera apan sassubbannu tumana'u soa wuṛṛu i Tuangnga buatte nattinsahadda mabbiakka tumuṛṛuttu apulun Duata.”

DARALO 75:1

Su piaṛṛa'u mangangantari. Tumuṛṛuttu antari: Imbaṛṛangnga mamate. Daralon Asaf. Aantari.

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

MATIUS 5:25

Amungkangngu pia taumata mangalaeng kamiu su mallaṛṛuungnga, paddameten tou tal᷊abe ta'e pia tempone, tantal᷊anna taambe na'oma su mallaṛṛuungnga. Amungkangngu tawe, taumata udde sarun manantilli yamiu su mallaṛṛuungnga apan manantilli yamiu su polisi. See polisi sarun mapaasuttang kamiu sulal᷊ummu tuttupanna.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

YESAYA 26:9

Ṛimuu'u luṛṛintulu-Nu sutempo ṛabbi, naungku mangngantimma Si'o sutempo marua allo. Napawe I'o makkuungngu runia indi, tumana'u runia sarun maasingkatta apan apan ṛinone.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

YEHEZKIEL 14:6

Pasingkata'a lai su taumatan Israel manungku i Ya'u, Mawu Apan Atanggaṛṛanne nabbisara si mangitou, ‘Awal᷊ute wuassu manga rosanu, wuṛṛu tantanga'e manga paal᷊uannu apan ma'amuta udde.’

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

EZRA 10:2

Wua'udde Sekhanya ana'i Yehiel wuassu wawosoanni Elam, nabbisara si Ezra, “I yami narosate su Mawu ana waugu buatte naawingngu walahanna waine. Salaiwe aroddi apa ta'e pia antimma su Israel.

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’