YESAYA 55:5 - WUKE SUSI WATTI'U AL᷊AL᷊USASSA

⁵ I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 55:5 Referans Kwoze

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 60:5

Naasilo udde i'o tinumiangnga wuṛṛu hatinu nasemakka; i'o naherangnga wuṛṛu nahewalla naungnga. Darotongngu manga walahanna niapidda ringannu, pa'aala wuassu samba'an tahal᷊oangnga niombo si'o.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ROMA 15:20

Apulu'u eteudde mamasingkatu Watti'u Al᷊al᷊uassa wuassu Ruata su manga tampa suapan taumata taambe naaringikka si Kristus. Ana waugu i ya'u maddiri mapararisikku manara su rapappake apan niaddon taumata waine.

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

DARALO 18:43

I mangitou ta'u niṛṛimunsa'a naal᷊ihidda awu apan nassal᷊iawukka, wuṛṛu ta'u nisapu naal᷊ihidda labbo su lal᷊anna.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

1 PETRUS 1:11

I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

IBRANI 5:5

Aroddi lai Kristus. I Tou tawe napaatenegu watanganne sassane maola'a Imam Bahewa. Ruata nabbisara si Tou, “Ete I'o Ana-U; su allo indi Ya'u maola'a Mawu Iamang-Ngu.”

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

2 SAMUEL 22:44

I'o namallo'u wuassu ṛuanganna apan lal᷊eo, wuṛṛu na'ola'a si ya'u uataṛṛino manga walahanna; walahanna apan awaganangku naola'a allangku.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”