YESAYA 55:13 - WUKE SUSI WATTI'U AL᷊AL᷊USASSA

¹³ Alu cemara sarun mangganti aputta ṛoaanna sasuanna bunga mangganti manga pal᷊ampungnga. Udde mariaddi tadea'u i Ya'u tumelengnga; maola'a tatiala sarangkal᷊o'enge apan tawe mawul᷊i.”

YESAYA 55:13 Referans Kwoze

YESAYA 41:19

Wadda'u anne sarun Ta'u suanannu alu cemara, zaitun, manuru wuṛṛu akasia. Wadda'a mal᷊alangnga Ta'u olaanna mahurangnge, mahurangngu eru, berangan wuṛṛu cemara.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

YESAYA 60:13

Al᷊al᷊uassu mahurangngu Libanon sarun ṛuwoanna ringannu alu berangan, cemara wuṛṛu eru ipa'ola'a Wal᷊e-U apan maṛṛansanga, wuṛṛu ipalloggakka tampa i Ya'u uarisikka.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.

YOHANES 15:8

Amungkangngu i yamiu mabua manambo, Iamang-Ku wantuhanna; wuṛṛu ringannu aroddi yamiu atonna-tonna maola'a mallal᷊aṛṛenggeng-Ku.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YEREMIA 13:11

Ere nasa maautta uawa'issa masaggadda su lawassu tatahuanne, aroddi lai pandumang-Ku tadea'u umattu Israel wuṛṛu Yehuda wawa'isanna masagadda ringang-Ku. Ringannu aroddi i mangitou mabbal᷊i uma-U apan ma'ola'a arang-Ku raddaloanna wuṛṛu a'addatanna. Arawe, i mangitou maddiri tumuṛṛutta si Ya'u.”

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

DARALO 96:12

Lalluasse, ei wadda'a wuṛṛu al᷊awo'u sasuanne! Manga punnu alu su mahurangnge sarun maggio.

YESAYA 7:11

“Paddorongke tadea'u Mawu Ruatanu mangonggollu sambau tatiala si'o, tanne wuassu runian taumata nate ual᷊iu wowa ara'e wuassu langitta rosone.”

YESAYA 7:24

Taumata apan inai poiaroddi ṛinone mangapiddu al᷊atianna wuṛṛu anaanna, waugu ahewallu wanua udde napenen aputta ṛoaanna.

YESAYA 19:20

Mezbah wuṛṛu diṛṛi udde naola'a sambau papasingkatta Mawu Apan Lembontaṛṛino udde su Mesir. Amungkangngu walahanna udde allanganna, wuṛṛu i mangitou umui maiontolla su Mawu, i Tou sarun mandolokku sangkatou iapasal᷊amatta si mangitou.

YESAYA 32:13

ana waugu leta'u pabbawala'u nituwoannu ahuranganna wuṛṛu aputta ṛoaanna. Ore, luaite manga wal᷊enu tampa manga taumata mallal᷊umanna'a wuṛṛu soa apan napenen damea!

YESAYA 35:1

Wadda'u anne wuṛṛu leta'a mamara sarun lumuassa, manga bunga pasi pakkuangnga su wadda'a mal᷊alangnga.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 56:5

ne arannu sarun naunganna sulal᷊ummu Wal᷊e-U wuṛṛu suwallattu pabbawala-U. Udde mappianne wuassu uatahuanna manga ana'a esakka wuṛṛu wawine. I yamiu Ta'u onggol᷊annu aranna tawe auddusanne apan tawe abbul᷊iananna.”

YESAYA 63:14

Mawu nangapiddi mangitou sutampa pangillol᷊oanna, naal᷊ihidda winatangnga a'ul᷊uhanna iapasioma nannal᷊o su wadda'a. Etearoddi i Tou nangehetta uman-Ne, tadea'u aran-Ne wantuhanna.

YEHEZKIEL 28:24

Mawu nabbisara, “Manga wanua al᷊indonganne apan buatte nallobbossa Israel, tate maola'a sambau roa'a wuṛṛu larangnga apan maataddu'a Israel. I mangitou sarun maatutukka manungku ete i Ya'u Mawu Apan Atanggaṛṛanne.”

ZAKARIA 1:8

i ya'u naasilo mala'ekattu Mawu uasa'e sambau awal᷊o maṛṛamu. I Tou nattaalla su sambau wawalanne suwallattu manga punnu alu murad. Su liudde uarisikka lai manga pira awal᷊o waine, piaddu maṛṛamu, maramu jambu wuṛṛu mawira.

YESAYA 60:17

I Ya'u uaapiddu wul᷊awanna ipangganti witu'a, wuṛṛu sal᷊a'a ipangganti atta'a. Ta'u nionggol᷊annu witu'a ipangganti alu, wuṛṛu atta'a ipangganti watu. Wanuanu sarun Ta'u olaanna matammudda wuṛṛu mal᷊angnganna, wuṛṛu paparentanna ringannu atatul᷊idda.