YESAYA 55:1 - WUKE SUSI WATTI'U AL᷊AL᷊USASSA

¹ Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

YESAYA 55:1 Referans Kwoze

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

DARALO 143:6

I ya'u u'al᷊iomanna Si'o ringannu lima uawilatta; naal᷊ihidda leta'a mamara, niawa'u luṛṛintulu-Nu.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

MATIUS 13:44

“Napawe Ruata mamarenta, olangnge ere sasumandingnga indi: Pia darotongnga uaal᷊i su leta'a see niabaannu sangkatou taumata, wuṛṛu niaddo apia su leta'a. Wua'udde ana waugu lulluassa, taumata udde inaite nabbal᷊u'u al᷊awo'u darotongnge, see nabelengke wuṛṛu namalli leta'a udde.”

MATIUS 10:8

Paapia'e manga taumata apan maradda'a; pawanguna'e manga taumata apan nate; paapia'e manga taumata pia raddangnge paro apan ma'arantinna, wuṛṛu limbuaṛṛete manga ghaṛṛaho lal᷊eo. I yamiu suete nanengkamma sarangkanambone udde ringannu tawe bawaekke. Nariaddi pangonggolla lai ringannu tawe maddorongnga bawaekke.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

DARALO 63:1

Daralon Daud, sutempo i tou uatana'a su wadda'u Yehuda.

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

ROMA 3:24

Tumba'u ana waugu darangngun Ruata nionggola ringannu tawe bawal᷊inne, paa'aukku taumata ringannu Ruata maola'a mapia lai; lal᷊anne eteudde; taumata niapaal᷊iu Mawu Yesus Kristus wuassu rosa.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

AMSAL 8:4

“Ei, alu taumata, ete si'o i ya'u u'ui; suapan riaddianna su runia, panutukke wawago'u!

MATIUS 26:29

Pangimante: i Ya'u tate ma'inumma anggore indi apia ma'oman sara tempone i Ya'u ma'inumma anggore wakku su sampunna ringanni yamiu su Araratuannu Iamangku.”

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

ANTARI MAWANTUGA 1:4

Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

1 KORINTUS 3:2

Dorone i ya'u tumba'u wotongnge mangonggola si yamiu pabbawiakku ana'a maradio'a, wal᷊ine pabbawiakku taumata timmaddete; ana waugu i yamiu ta'e lome su pangangimanna. Arawe orassa indi lai yamiu ta'e lome su olangnge udde,

ZAKARIA 10:7

Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

ZAKARIA 2:6

Mawu nabbisara su uman-Ne, “I Ya'u buatte nanal᷊iawukki yamiu su al᷊awo'u pappi'uanne. Arawe orassa indi ei manga taumata niwuangnga, tal᷊angke wuassu Babel wuṛṛu pabbelengke su Yerusalem.

RUT 4:1

I Boas inaite watukku tampa pasasombanna su ngara pasallangannu soa. Napawe i tou ua'iante poiaroddi sinumabbite sangkatou esakka apan suṛṛingiranni Boas udde ta'e amonanni Elimelekh apan ṛepessa. Ana see i Boas namaggo si tou, “Tuṛṛangku, wette a'iante isindi!” Taumata udde nirumanta, ana see niuma'ianna.

ANTARI MAWANTUGA 1:2

Ari'e i ya'u ringannu biwikku; darangngunu mattemanga wuassu anggore!

LAL᷊ALLU 5:4

Ua'e a'inumanna wuṛṛu alu papputunganna ṛinone wallianni yami.

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

WATTI'U MANGA RASUL 8:20

Arawe i Petrus sinumimbakka, “Nasilakate i'o wuṛṛu roinnu! Sunnanu aonggolu Ruata wotongnge aawalliannu roitta?

AMSAL 9:5

“Wette umante ringangku wuṛṛu pattemate anggore apan ta'u niola'a.

YEHEZKIEL 47:1

Esakka udde nangapi'u apia watukku ngara suttanna su Wal᷊e Mawu. I ya'u naasilo ua'e mangngelekka wuassu al᷊ungngu ngara udde watukku ra'i, ere lai Wal᷊e Mawu uasaruanna watukku ra'i. Ua'e udde mangngelekka wuassu al᷊ungngu puan ngaran Bal᷊e Mawu samba'a timukka sinumabbi sandiṛṛannu timukka wuassu mezbah.

YEHEZKIEL 47:9

Suapan tampa sal᷊ukka indi mangngelekka, isudde lai sarun asangkal᷊anna al᷊awo'u hatin inassa wuṛṛu winatangnga waine. Ua'en Tahal᷊oangnga Nate sarun olaanne mabbal᷊i maammi, wuṛṛu suapan tampa ua'e udde mangngelekka, isudde sarun pia pabbawiakka.

AMSAL 9:1

Asingkatta buatte napararisikku wal᷊en, wuṛṛu namasi'u pitu diṛṛine.

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.