YESAYA 54:8 - WUKE SUSI WATTI'U AL᷊AL᷊USASSA

⁸ Tumba'u tal᷊angkadio'a i Ya'u manantangngu ana waugu asasa'u-U apan bahewalla. Arawe ringannu darangngu tutune i Ya'u mandangngu si'o.” Ete aroddi wisaran Duata Mananal᷊amannu.

YESAYA 54:8 Referans Kwoze

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

YESAYA 60:10

Mawu nabbisara su Yerusalem, “Taumata raho sarun dumanta mamangunna apia darandungngu, wuṛṛu manga ratu sarun mangimbe si'o. Dorone i Ya'u nakkuumannu sulal᷊ummu asasa'u-U, arawe orassa indi Ya'u mappulute umakkannu.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 45:15

Ruata apan nanal᷊amatta Israel uddewe Ruata apan mammunin batangan-Ne.

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

DARALO 13:1

Su piaṛṛa'u mangangantari. Daralon Daud.

DARALO 27:9

ariewe pa'imbuni wuassi ya'u.” Arie masa'u wuṛṛu manol᷊a'u allang-Ngu, ana waugu tumba'u I'o apan buatte nantul᷊ungku. Ariewe i ya'u iramme ara'e itantangnga, oh Ruata, mananal᷊ama'u.

DARALO 30:5

Pangantariten daralo su Mawu, ei walahan-Ne apan matuṛṛutta, wuṛṛu aal᷊iomante su Apan Lembonsusi.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 26:20

Suttate sulal᷊ummu wal᷊enu, ei pabbawala'u, ana see ṛuura'e ngara. Pa'imbunite tantal᷊angkadio'a ma'oman sara asasa'u Mawu muddussa.

YESAYA 40:27

Nariaddi Israel, anio i'o sussal᷊iomanna, ere ola'u Mawu Ruatanu wagga i'o massusa? Ere ola'u i Tou tawe pandumme su pal᷊addu pabbiaṛṛannu wuṛṛu tawe ma'ellega hakkanu?

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

DARALO 103:4

i Tou apan namallossu niawanu wuassu labbinga, apan nangonggolla si'o ringannu darangngu wuṛṛu aakkanna.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”